JEREMIAH 2:23 - DAÜLANGPÜ LAIHING (BSI)

²³ “Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

JEREMIAH 2:23 Referans Kwoze

JEREMIAH 7:31

hatü jomi ngei ne-epü, ngelei mongeiyao nelepü dou jomei hapeüthü Hinnom Kahjilei Topheth kahvang kü aw kü jakei moila shuohhen vaümchongthü nedoh-i lingnyüke.

KANDOK 30:12

Shennyak haneiyü müki eeheni daülangpükei, shejao nedaünelangpü kübü neyanpü nyüke.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

LUK SHAHSHA APPÜ 10:29

Shejao büpai laophü nying dahshakhü, hanangkü büpai Jisu kü, “Ngelei chingyowpa üpaang?” shei phe.

JEREMIAH 31:22

Meshükpa nüng paüeiyonei longteihen, Oh hingnelempü yiükha? Shembüpai kahdoknyü kü dou ja hük dükkahen; Nyüha hüki-ang baha yanghen.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

JEREMIAH 3:2

Shaopü shangtaothü kü veihümao, ammi halei büm neyupü shing nyüla? Yingnyülei phaüi nganei longteipükei, lemhao peülei ammi chühimai danei uonyüke. Ammei mang hatü büm yupü homei ammi hapa kahdok sheihtükteke.

KANDOK 30:20

Hapayü mükbongjuyungla hükei lem: Pinnyüi hahtü ju thittüknyüke, hatü “Ngei meheyao mang nedükangpih” shei enyüke.

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

MENVIH KESHO 50:21

Nüngi hathü dou dükteke, ngei nenmü nyudaipeih; ngeiyao nüng kei nyüpeih shei deihnyüke. Shejao ngei nüng khüei hokhen, hatü dhe kü nyeanshi thaüvaühen.

MENVIH KESHO 36:2

Jomei mang yemei nedangaokpih, hatü hapa nenyonghüpih shei jomei mükhimongi jom yawhlangnyeih.

ESTHER 8:16

Jehoda am shingvaishi hapa hepakü mongongpü, nyiushemmei hatü aokpü dangpü hepak hük nyuteke.

JEREMIAH 2:36

Hajük yoshi nüngei Kahvangei lem kübü yeiyaei mehekei dainya? Assyria ami nüng veühüpükei, Ijip ami am veühühen.

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

JEREMIAH 16:10

Mechem nüngi hathü shah hapa nanglakthü kü eshuohhen, jomi nüng kü, “Mehekei Shembüpai ham khüei hajük longpü shanghah shuohpa? Hami mehe mang dükpa? Shembüpa, hamei Kahvang khüei mehe mang hami thahpa?” shei ephüjema,

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.