JEREMIAH 2:21 - DAÜLANGPÜ LAIHING (BSI)

²¹ Shejao peü mü meipü li shei yah-ei ngei amü peü mü meipü nyalingngupai kei sheiphongpeih. Shejema mekei etü am tenei phaü nyalingngupai leidaipa?

JEREMIAH 2:21 Referans Kwoze

ISAIAH 5:4

Ngei ngelei nyalingngupai kah kü dükpü mü lenei ngei mehe nyeinya dükhenang? Ngei nyalingngupai meipü jükkahen shei ongyangjü, mehekei hapa kü thiokpü phaü ngupai jükpa?

MÜLANGPÜ 15:17

Nüngi jom müei lei, hatü jom nüngei kahshangei, Oh Shembüpa, nüng nyupü shingei, Oh Shembüpa, nüngei laki lingpü daülangpü shingei nüngi jom chongkhenei tuhphong.

JOHAN 15:1

Ngeiyü hingshangpü nyalingngupai, hatü Opayü pe dükbü.

MENVIH KESHO 44:2

Nüngei laki jatthü peü changtük, shejao nüngei nanglakthü halei sheiphong; nüngi jatthü hanghi ponghü, shejao nüngei nanglakthü bümei leihü.

MENVIH KESHO 80:8

Nüngi Ijip leipü nyalingngupai yah-ei an; nüngi jatthü changtüktü ha sheiphong.

SHAHKÜP 4:37

Mehenangkü büpai ammei bühipa kü bampü nangkü, büpai amphong jeteke, hatü büpalei wong longpai büpai amphong Ijip leipü müei leiteke.

LUK SHAHSHA APPÜ 20:9

Büpai nanglakthü kü hapa shahlap ehen chongpang: Shennyak hüki nyalingngupai kah lingtü hapa kah kah phuoei lingpü am kü shuohphong, hatü hepak luangi nyuhen shingvaishi lebü kahmükei dai.

MARK 12:1

Hapheikü büpai jomphong kü shahlap ehen chongpang. Shennyak hük nyalingngupai kah lingtü ha kü pe shinei show, hatü ngümhen kahsha sho, hatü shangdü hük dak; hapheikü büpai ha kah phuoei lingpü am kü phuophongtü lebü kahmükei lüdai.

SHAHKÜP 32:32

Jomei nyalingngupaiyü Sodom leipü, hatü Gomorrah amei nyalingngupai kah leipü kei nyüke; Jomei nyalingngupaiyü nemeipü leü kohshi nyüke, hatü hathüyü shahyaki nyüke.

MATHI 21:33

Lebü shahlap hük bangtuh. Kah shembü hük nyalingngupai sheitü nyu. Ha shinei pe show, hatü yiü ngümshing lingtü halei shangdü vetüktü nyu. Hapheikü büpai ha kah phuoei shapü am kü phuoei shuohtü tailu kahmükei lüdai.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

ISAIAH 41:8

Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

ISAIAH 1:21

Mekei hajük monglempü chingnyü büm yupü am kei leidaipa! Chem hepak keyü pinnyü kü shahhingi maei daülangshemshepü nyuhampeih, shejao shaangü shennyak jüpü am leidaiteke.

MENVIH KESHO 105:6

Oh büpalei chongphobü Abrahamei hühihathü, Jakob hapeüthü, büpai jelangpüthü.

JOSHUA 24:31

Israel ami Joshua yemmü nyupü thahshi, hatü Joshua phei kü nyupü behethü üami Israel am shingvaishi Shembüpai dükpü douthü nyingei nyu, hathü nyupü thahshi Israel ami Shembüpa chongphoteke.

YOUNG LAI 4:1

Mekei daülangpü hon dheshihlaümang leidaipa! Phopshem yaongthü mekei chingshongei haidaipa!

KAHBHAO 32:28

Hahepak kü hapa shennyaki, “Nüng kü hajük kü Jakob shei nenyükhen shejao Israel shei nyükhen; mehenangkü nüngi Kahvang hatü hangku mü bhowei neütükteke” shei eteke.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

ISAIAH 27:2

Hapa nyih kü Shembüpalei nyalingngupai kah nangkü hapakei ehen. “Betjük jükpü nyalingngupai kah nangkü hapa kesho loktuh:

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

MENVIH KESHO 80:9

Nüngi ha shing kahdok daütük, ha tünglang yiüei kahdok mateke.

JEREMIAH 5:10

Pinnyülei nyalingngupai kahlei aongei hathü mangtüktuh, shejao peü payü temangtük; kaothü kemei louhtüktuh; mehenangkü hathüyü Shembüpalei nevai.

JEREMIAH 11:16

Chem Shembüpai am kü, “Thüngshingpü olive pü, meipü betjük jükpü” shei nyükhampeih, shejao longpü yinglükleisho ngüngpai büpai ha kü aw bahhühen, hatü hapalei kaothü hahtükhen.

EZEKIEL 15:2

“Oh shennyak ha, yingnyülei nyupü lebü pükaothü mü nyalingngupai vü mekei etü meipa?