JEREMIAH 2:20 - DAÜLANGPÜ LAIHING (BSI)

²⁰ Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

JEREMIAH 2:20 Referans Kwoze

SHAHKÜP 12:2

Kahshang shaopüthü hatü shangtaothü hatü püdhüm vungdhüm peü kü ammi changtükhen jatthüi jomei kahvangthü kü khümhen linghahpü shingthü peü mangtükkemtuh.

LEVI 26:13

Am hajük kü Ijip amei aa nevaihen shingvaishi am Ijip leipü müei leipü ngei Shembüpa, ammei Kahvang; ngei am kü chetpü pang mangtüktü am she ngangshi kamhüpeih.

JEREMIAH 17:2

Jomei hapeüthüi dangkao püdhüm hatü shangtao shaopü peü kü jomei moidü hatü Asherah kahvang lajeithü kü khümnyüke.

HOSEA 3:3

hatü ngei pinnyü kü, “Nüng ngei mü nyih longi nyuhen, nüng büm yupü am tevai, nevaijü lebü shennyak üpa mao tekütejemtei, hatü ngei nüng mü nyukahen” shei e.

JEREMIAH 30:8

Hapa nyih ngei büpalei bhagchong kübü pang ngühlanghen, hatü büpalei lungsha laitükhen, hatü hajük kü jom kung amei aa nevaihen shei Jeiyong Shembüpai enyüke.

ISAIAH 1:21

Mekei hajük monglempü chingnyü büm yupü am kei leidaipa! Chem hepak keyü pinnyü kü shahhingi maei daülangshemshepü nyuhampeih, shejao shaangü shennyak jüpü am leidaiteke.

NAHUM 1:13

Shaang ngei ammei bhagchong leipü Assyria amei pang mangtükhen, hatü am kü shapü nyiamvü phentükhen.

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

EZEKIEL 23:5

Ngei mü shem yemei tuhtü Oholah-i Assyria am veshanthü,

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

EZEKIEL 16:41

Jomi ammei shem awi shamtükhen hatü nyühathü longi eeshi am kü shahphenhen; am büm yupü ngei dohtükhühen hatü ammei chühimai kü lop shuohpü dohtükhühen.

EZEKIEL 16:31

Lemnyüshong ieyei kü lajeithü khümhen shing lingnyüke, hatü büm yunyüke. Shejao lebü büm yupüthü kei lop neyahnyu.

EZEKIEL 16:28

Lebüthüi ammei mükbongjuyung hüneshemhüpü nangkü ammi shao Assyria am phei changei daiyei büm yuteke; hatü hapaiyao am hüneshemhü.

ISAIAH 14:25

Ngei ngelei kahdokei Assyria am ngümtükhen; ngelei kahshangei ngei büpa la-i shoupei shantükhen. Büpalei kenh ngelei nanglakthü leipü bhühtükhen, hatü büpalei hanggovih jomei bhagchong leipü yailanghen.

ISAIAH 10:27

Hapa nyih ammei bhagchong leipü büpalei hanggovih bhühlanghen, hatü ammei bhagchong leipü büpalei kenh mangtükhen” shei enyüke.

ISAIAH 9:4

Mehenangkü Midian am neütükpü nyih kü keiha, nüngi nüngei nanglakthülei bhagchong kübü kenh, hatü jom kü bheipü nyiamlüng mangtükteke.

MENVIH KESHO 78:58

Jomei phuhpü vaümpü shing homei jomi büpa mongshihhü; jomei lajeithüi büpa mongmanghü.

1 ONGPATHÜ 12:32

Judahlei mohampü keiha Jeroboami lenyang shetpabü nyih anpüngapabü kü mo mohen tem, hatü büpai moidülei jakpü moila shuoh. Büpai hayü büpai lingpü mohoh cheha kü Bethelei moila shuoh, hatü shao büpai Bethelei büpai lingpü khümshingthü kü ngongpathü jeyei tuh.

1 SAMUEL 12:10

Hahepak kü jomi Shembüpa kü, “Hami mang thahteke; mehenangkü hami Shembüpa yakphongtü Baal, hatü Astartes kahvangthü chongphoteke. Shejao shaang nüngi ham vepathülei lak kübü yangshih, hatü hami nüng chongphohen.

JOSHUA 24:26

Joshua-i hathü shah Kahvangei shahkungnyü laitap kü nyangteke, hatü büpai yaong longpü hük yah-ei Shembüpalei daülangpü shingei longkhampü phangei haong.

JOSHUA 24:24

Nanglakthüi Joshua kü, “Hami Shembüpa, hamei Kahvang-üng chongphohen, hatü büpalei ven banghen” shei e.

JOSHUA 1:16

Jomi Joshua kü, “Nüngi mehe ehenshang hami ha dükhen hatü nüngi melei shomhen ham halei daihen.

SHAHKÜP 26:17

Shinnyih amphongi Shembüpayü ammei Kahvang, hatü amphongi büpalei lem kü kamhen, büpalei shahkungthü noteihen hatü büpalei ven banghen shei lahteke.

SHAHKÜP 15:15

Amü Ijiplei aa kei nyuhampeih, shejao Shembüpa, ammei Kahvangi angei leipeih shei deihtuh. Hanangkü shinnyih ngei ha shahkungnyü am kü shuohnyüpeih.

SHAHKÜP 5:27

Yopailei heihtuh hatü Shembüpa, jenei Kahvangi epü lemphü bangkütuh, hatü Shembüpa, jenei Kahvangi nüng kü mehe ephahenshang hamphong kü eshih. Hamphongi ha bangei dükhen hih.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

SHAHKÜP 4:20

Shejao amphongü shinnyih nyupükei büpalei mükjüp yahpü am vaihen shingvaishi bahpü awbhaong Ijip leipü Shembüpai müei leipeih.

MÜLANGPÜ 24:3

Mechem Mosa leiyei Shembüpalei shah hatü shahkungnyüthü ejapa, jom peüi ngeü hük mü vamei, “Shembüpai epü lemphüli hami dükhen” shei eteke.

MÜLANGPÜ 19:8

Hahepak kü nanglakthüi chemi aihük mü ngeü vamei, “Shembüpai epü lemphüli hami dükhen” shei jang. Nanglakthüi epü shah Mosai Shembüpa kü eteke.

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

SHAKEI VAMPÜ 17:1

Hapheikü nükshung nyet nopü vangsho phongshanthü nyet khongkü hük peiyei ngei kü eteke, “Heihkei, ngei yung longpüthü yopailei nyupü chingnyü kübü büm yupü nyüha kü mekei shahphenhen nüng kü huphüshah.

1 ONGPATHÜ 14:23

Jomphongi jom shing shangtao, hatü püdhüm vungdhüm peü kü khümshing, daülangpü yaong shemnyüthü, hatü Asherah lajeithü ling.

MENVIH KESHO 107:14

Büpai jom shanghah, hatü mongmang kübü yang, hatü jomei nyiamvü phentük.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 5:5

Ngei shemmeithü touei heihshah, hatü jom mü eteishah. Shejao jom peü aihük mü Shembüpalei shahkung mangtük, hatü jom kü shapü laitükteke.

JEREMIAH 13:27

Shangchingthülei ammei jiühitnalai, mükbongjuyung, vaüpü eepü, neveüi büm yupü ngei eetepih. Onyükei, Oh Jerusalem! Nedaünelangi meshük lushi nyuhenang?”

HOSEA 4:13

Jomi kahshang shaopülei jakpü moila shuohnyüke, hatü shangtaothü, longkhampü, poplar, hatü terebinth püthü phangkü püdhüm meishi eepü nangkü ayingshü jaknyüke. Hanangkü ammei yiükhathü büm yupü kü hatü lipeüthüi mükbongjuyungei lepdainyüke.

SHAHPHENBÜTHÜ 2:11

Hahepak kü Israel ami Shembüpa touei mang thah, hatü Baal kahvang chongphoteke.

SHAHPHENBÜTHÜ 2:13

Jomi Shembüpa yakphong, hatü Baal kahvang hatü Astartes kahvang khümei chongphoteke.

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

MENVIH KESHO 2:3

“Jeni jomei nyiamvü phentükshah, hatü jen toueipü jomei vü yaktükshah” shei enyüke.

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

HOSEA 9:1

Mongteong, Oh Israel nanglak, mih jatli kei mo-eitapei mongteongtei. Mehenangkü am büpa toueipü yanei hingnelemi nyuteke. Büm yutü ha kü lat danghen, hatü hahying lemphü danghen kü kennyüke.