JEREMIAH 2:2 - DAÜLANGPÜ LAIHING (BSI)

² Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

JEREMIAH 2:2 Referans Kwoze

EZEKIEL 16:60

Shejao am hashih mü nyushi ngei am mü lingpü vangpüshuwpü ngei deih-ei danghen, hatü ngei am mü nedohnetenpü vangpüshuwpü linghen.

EZEKIEL 16:8

Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.

JEREMIAH 11:6

Shembüpai ngei kü, “Ha shahthü peü Judah jilathü hatü Jerusalem chingyangshong kü baongeishuoh. Vangpüshuwpü shahthü bangtuh hatü düktuh.

JEREMIAH 7:2

Shembüpalei phopshem shadenei yaongtü hapa shahjang baongtuh: “Am Judah nanglakthü üami hapa shem shaden homei peinya, Shembüpalei shah bangtuh.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

HOSEA 2:15

Halei ngei pinnyü kü pinnyülei nyalingngupai yahshuohhen, hatü Akhor kahjiyü monglempü kahji leihühen. Halei pinnyüi nela hepak kü keiha, hatü pinnyü Ijip leipü vamei daipü nyih kü kei ngei kü ephahen.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

MÜLANGPÜ 14:31

Israel ami Ijip am khüei Shembüpai dükpü dou longpü eeteke. Hanangkü nanglakthüi Shembüpa kü nyem, hatü Shembüpa hatü büpa chongphopü Mosa kü hinglem.

MATHI 11:15

Üpa kü dhaong kohshi nyu, büpai bangtuh.

LUK SHAHSHA APPÜ 12:13

Khongnyü leipü hanei ami büpa kü, “Nyuhbü, ham shemei mükjüp ngei kü haneishuoh shei ojei kü etükkütuh” shei e.

JONAH 1:2

“Hapa chingnyü longpü Ninevehlei daituh hatü halei chongveneishuoh; mehenangkü jomei mang ngei thah-ei aongteke.”

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

EZEKIEL 23:19

Shejao pinnyü nela hepak kü Ijiplei büm yuei nyupü nyihthü deih-ei pinnyü nyeinya nyeinya büm yupü am leidaipeih.

EZEKIEL 23:8

Pinnyüi nela hepak Ijiplei bahathü mü shiyei, büm kü bhiteiphaüei pai mü ngühpü nela den mahhüei nyupü shaang thahshi ha neyakphongang.

EZEKIEL 23:3

Jijinyi-i hashih mebü Ijiplei büm yuei pai mü ngühpü la den mahtükpeih.

EZEKIEL 16:22

Ami dükpü jiühitnalai hatü mükbongjuyung dükshingkü am thehila hepak kü bümkong nyupü hatü iy kü hüngshi nyupü deih-ei neleang je?

JEREMIAH 19:2

hatü Ben-Hinnom Kahjilei Dük Shükpü Shadenei heih-ei halei ngei nüng kü epü hapa shahthü baongeishuoh.

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

SOLOMONEI KESHO 3:11

Vamkei, Oh Zion nelathü, chenyüi büpa shem yempü nyih, hatü büpa mongongpü nyih Solomon kü thenshuohpü ong athen kü veihümao.

KANDOK 1:20

Bangtuh! Kihikoni wongmü chingshongei, hatü banghjüm shingei lenei nyüknyüke;

MÜLANGPÜ 16:8

Mosai, “Mechem Shembüpai om mü am kü phai hahhen yahphahen hatü dhom mü ammi hahhüpüshük hahhen hahying yahphahen; hapayü Shembüpa khih shei ammi nyinghen; mehenangkü büpa khüei ammi langmaanpü büpai danteke. Henjiyü üpaang? Ammi henji khüei nevai, shejao Shembüpa khüei langmaannyüke” shei eteke.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

SHAKEI VAMPÜ 2:4

Shejao ngei am khüei ha nyüpeih; am kü shongei nyupü bampü yaktükteke.

MENVIH KESHO 129:1

Ngei nethe hepak mebü ngei kü shüveihampeih Israel ami hapakei etuh

JEREMIAH 2:1

Shembüpalei shah ngei touei hapakei eyei pei:

JEREMIAH 3:4

Ammi ngei kü shaang, “Ngelei opa, hamei nethe hepak kübü küphü;

HOSEA 2:7

Pinnyüi maithü changei daihen, shejao phei nethahhen, hatü jomphong yemhen shejao nedanghen. Hahepak kü pinnyüi ehen, “Ngei ngelei shongpü baha touei nyokei leishah; mehenangkü shaangpü laphen meyü sheleipü-üng meipü khih.”

SHAHKÜP 33:3

Hingmei nüngi nanglakthü kü bamnyüke; daülangpüthü kemei nüngei lakmongei nyüke. Nüngei la touei jom peü aümei shanyüke, hatü nüng leipü shahkung yahnyüke.

SOLOMONEI KESHO 3:6

Bhih kahdok leipü awshit tem mü lepei vampükei, bhei leihpüthüi yubenüng vong meipü meli ngü büei vamhüpü üpaang?

HOSEA 2:17

Ngei pinnyülei ju kübü Baal menthü yaktükhen, hatü jomi hapa men ne-yei nenoteihen.

HOSEA 9:10

Shongei ngei mechem Israel am dangpa, jomü bhih kahdok kübü nyalingngupai kei shepeih; Shejao ngei mechem ambü ampa eepa, amü adhapü kü shongpü betjük eepükei shepeih. Shejao mechem jom Peor Kahshangei peiyei Baal kü khümpa, lomi jomi bampü kahvang kei jiühitshi leidaipeih.

HOSEA 11:1

Mechem Israel am hashih hük nyuhampa, ngei büpa kü bamteke, hatü Ijip leipü ngei ngelei hapeü nyüklangpeih.