JEREMIAH 2:18 - DAÜLANGPÜ LAIHING (BSI)

¹⁸ Nile leipü yung yingnüng nüng Ijiplei yiüpai nüngi mehe dangnya? Nevaijü Euphrates yung yinghen Assyrialei heihpai nüngi mehe dangnya?

JEREMIAH 2:18 Referans Kwoze

JOSHUA 13:3

‘Ijip kü heongphi Shihor kübü apshaphi Ekron viong thahshi, hathü kü Kanan am shei enyüke; halei Philistia am ongthü, Gaza, Ashdod, Ashkelon, Gath hatü Ekron kü nyüke’, hatü Avvim amei kahdokthü,

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

JEREMIAH 2:36

Hajük yoshi nüngei Kahvangei lem kübü yeiyaei mehekei dainya? Assyria ami nüng veühüpükei, Ijip ami am veühühen.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

HOSEA 5:13

Mechem Ephraim ami büpa tüngpü eepa, hatü Judah-i büpalei makaw eepa, hahepak kü Ephraim ami ongpa longpü kü sheühpü yiüei Assyrialei heihteke, Shejao büpai jom tüngpü, hatü jomei makaw nemeihüaok.

EZEKIEL 17:15

Shejao Judah ongpai khüei yaong hatü Ijip am touei koyei hatü veshanthü yüei lembü shomteke. Büpai aokpü danghen je? Hapakei dükpü shennyak yangaokhen je? Büpai vangpüshuwpü mangtüktü yangaokhen je?

YOUNG LAI 4:17

Angsha kü sheühpü danghen shei ongyangei veihampai mükyang yungdaiteke; Ham neyangphaaokhen jat hük kü monglemei veishi nyuteke.

ISAIAH 7:20

Hapa nyih kü Shembüpai Euphrates yungdang leipü sho kupbü Assyria ongpa chüngei leihen, hatü büpai ammei sho, jumum hatü lamum kemei kuptükhen.

ISAIAH 23:3

homei Shihor amei hah hi aung, Ijip amei vang kübü vampü hahying shakei, yuei jatthü peü mü bhei leihhen shomteke.

EZEKIEL 16:28

Lebüthüi ammei mükbongjuyung hüneshemhüpü nangkü ammi shao Assyria am phei changei daiyei büm yuteke; hatü hapaiyao am hüneshemhü.

2 SHÜPPÜKENGPÜ 28:16

Hahepak kü Ahaz ongpai Assyria ong kü sheühpü yüei phe.

JEREMIAH 31:22

Meshükpa nüng paüeiyonei longteihen, Oh hingnelempü yiükha? Shembüpai kahdoknyü kü dou ja hük dükkahen; Nyüha hüki-ang baha yanghen.

YOUNG LAI 5:6

Shümoh meihen nangkü mon Ijip, Hatü Assyria amei lakmongei shüdai.

EZEKIEL 23:30

am touei ha koei peipeih, mehenangkü ammi jatthü mü büm yuteke, hatü jomei lajeithü mü am nyingi sheihteke.