JEREMIAH 2:15 - DAÜLANGPÜ LAIHING (BSI)

¹⁵ Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.

JEREMIAH 2:15 Referans Kwoze

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

ISAIAH 1:7

Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

ZEPHANIAH 3:6

Shembüpai enyüke, ngei jatthü peü mahtükkemtepih, jomei veyomdü bentükkemtepih. Üpaiyao nekamteihen mü ngei jomei chingyangshong vüngtüktih; Hangkuli chingchingei nenyuhen mü ngei jomei chingnyüthü vüngmaki yaktüktih.

ZEPHANIAH 2:5

Yungkung kü nyupü Oh Philistia am, am onyükei! Am khüei Shembüpalei shah nyüke, Oh Kanan, Philistia kahdok. “Ngei am peü mahtükhen, hatü hükao aoei netuhphongpih.”

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

NAHUM 2:11

Mailangi cheha kü het ühshing, mailang bihibaong nyiphen lüdaitü chehathü mehe-iyao nebukneshaani yangei nyupü mailang jep keipü chingnyü shaangü melei nyüpa?

AMOS 3:12

Mi yombü hüki shahnyüi hahtükpü mi hükei la nyi nevaijü dhaong hük dangpü keiha, Israel am Samarialei nyupüthü üami uoshing phangei peekshi, hatü lüng phangei lemshi johen, jom mon yanghen.

AMOS 3:8

Mailang vaüjü üpai nenyemhenang? Shembüpa Kahvangi mechem ehen, üpai netetnevani nyuaokhenang?

AMOS 3:4

Hahying neshiüjü yingnyülei mailang vaünyu hiang? Büpai meheyao neyepjü jepei ngüngnyu hiang?

HOSEA 11:10

Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

HOSEA 5:14

Mehenangkü ngeiyü Ephraim am tou kü mailang hük keiha, hatü Judah am touei mailang longpü kei nyuhen. Ngei jom khih mü shaaktüktü lüdaihen, Mechem ngei jom shüei daihen, üpaiyao jom neyangaokhen.

EZEKIEL 5:14

Mih peihpü leipü peüi eeshi am shonei nyupü jatthüi am kü eelahen hatü ngei amü lavüngtoiyei leitükhen.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

JEREMIAH 34:22

Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 33:10

Shembüpai hapakei enyüke: Ammi hapa shingkü, “Shennyak hatü yemhimak nenyuphei keyü angsha hih” shei eteihamteke. Shejao Judah hatü Jerusalem chingyangshong yemhimakao neshiüi nyupü shingkü,

JEREMIAH 26:9

Mehekei nüngi Shembüpalei men kü hapa phopshem Shiloh kei leidaihen, hatü hapa chingnyü shennyak nenyui lavüngtoiyei leitükhen shei epa?” shei e, hatü Shembüpalei shemei Jeremiah shonei nanglakthü thai.

JEREMIAH 25:30

Hanangkü jom khüei hathü shah teteivanei etuh: Shembüpai vangsho leipü ngünghen; Büpai büpalei daülangpü nyushing leipü vangmuk kei ngeü vamhen, hatü büpalei kahdok khüei büpai ngünghen. Nyalingngupai ngümpüthüi keiha büpai hapa kahdokei nyupüthü peü khüei lenhen.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

ISAIAH 24:1

Veituh, Shembüpai hapa kahdok yakphonghen, hatü lavüngtoiyei tuhphonghen mon nyüke, hatü büpai kahdok shak mangtükhen, hatü haleipü shennyakthü yantükhen.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

ISAIAH 5:9

Jeiyong Shembüpai ngei danshi vangei eteke: “Hingmei shem longpüthü longi lavüngtoiyei tuhhen; nethe meipü longpü shemthü kü nyuhen shennyak neshiüi leidaihen.”

MENVIH KESHO 57:4

Ngeiyü mailang keipü vepathü chi kü lemshi nyüpeih; jomi shennyak jüei shaakei hahnyüke; jomei bhayü phung hatü lahhan kei, jomei yei nahpü yan kei nyüke.

JOB SHAHSHA APPÜ 4:10

Nemeipüthüyü mailang kei ngüngei vaühen aok, shejao mailangei bha tettükkemteke.

SHAHPHENBÜTHÜ 14:5

Hanangkü Samsoni chenyü hi chepa nyi mü Timnahlei yiü. Jom yiüei Timnahlei nyalingngupai kah ngoishingkü mailang hük büpa touei ngüngei heih.

JEREMIAH 51:38

Babylon am kemei mailang, hatü mailang chehathü kei ngüngnyüke.

EZEKIEL 36:3

Hanangkü Shembüpa Kahvangi hapakei enyüke shei teteivanei etuh: Mehenangkü jomi amü lebü jatthülei lakmongei nyemnyu, hatü mihnyiyangnyai jatli, hatü yaüeilungei eteihen doutennangshai nyemlei shei am kü lem peü philemei lavüngtoiyei tuhhen ngümteke.

ZEKHARIAH 11:3

Mi yombüthü theppü bangtuh; jomei het ühshing mangtükteke! Mailangthü ngüngpü bangtuh; Mehenangkü Jordan yingnyü kowtükteke.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.