8 Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.
Jomi jomei kahdokü nyembenüng leitüknyüke, den kü jiühitbenüng dou leitüknyüke. Ha peih-ei daipüthü peüi nyemnyüke, hatü ngaüm dhinyüke.
Bozrah-ü nyemao nyemshi leihen hatü nyembenüng dou, eelanyongnya, thaüvaüthemthe dou leitükhen ngei nyingi lahtepih shei Shembüpai enyüke, hatü hapa jilathü peü den kü bentüktü yakphonghen.
Hapa Phopshemü nyüphinya yakshing kei leihen, hatü peihpü leihpü peüi yashanei naamnyi nyiyei, “Shembüpai hapa kahdok hatü hapa Phopshem kü mehekei hapakei dükshuohpa yo?” shei ehen.
Hapayü monghamshi nenyemnehani nyupü chingnyü, jomei wong kü monglemei hapakei e, “Ham mon, üamao ham kei neshiü.” Mehekei shaangü yemhimak paümshing chingkow leidaipa? Ham kü peihpüleipü peüi shiinyüke, hatü ngaüm dhinyüke.
Shembüpai mongshihpü nangkü üamao halei nenyuhen, shejao lavüngtoiyei leidaihen; Babylon peih-ei daipüthü peüi hanhen, hatü pinnyü ma yahpü eetü thamahen.
Jerusalem hatü Judah jilathü, haleipü ong hatü lakchongbüthü, jom shinnyih nyupükei lavüngtoiyei leihühen, peüi yaüpülungpü, mihnyi pü, eelanyongnya dou hatü thaüvaüthemthe leihühen;
Ngei ammei kahdok chemjalak kü mangtükpü eeyei ammei kahdokei nyunüng peipü vepathüi hapa kü yashanhen.
Shembüpai am haitükhen kahmükthü kübü nanglakthüi am ponghahpü eetü haneitophen hatü am kü nyennyangei naamnyi nyiphahen.
Ngoikahen ammei pheiha deni hatü tailu leipü kung shennyakthüi hapa kahdok kü Shembüpai hapa keipü shangpong yakying hatü lomoh-aühaü shuohpü je shei veihen.
Jatthü kübü bhei leihpüthüi ammei mangshie nyiohahhen khih shei nyemnyüke; Amü nyembenüng dohpütenpü hük ngoiteke hatü hajük kü am nenyuhen.”
Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”