JEREMIAH 19:2 - DAÜLANGPÜ LAIHING (BSI)

² hatü Ben-Hinnom Kahjilei Dük Shükpü Shadenei heih-ei halei ngei nüng kü epü hapa shahthü baongeishuoh.

JEREMIAH 19:2 Referans Kwoze

JOSHUA 15:8

Hapheikü viongü Ben-Hinnom kahji kübü Jebus chingnyü (hapayü Jerusalem) pehephi kahshang thahshi nyu. Hatoueipü shao viong aongdaipü Rephaim kahji heongphi dohpü Hinnom kahji heshüphi kübü shangtao thahshi nyu.

2 ONGPATHÜ 23:10

Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

2 SHÜPPÜKENGPÜ 28:3

Büpai Ben-Hinnom Kahjilei jakpü moila shuoh, hatü Israel am toueipü Shembüpai changtükpü jatthüi dükpü jiühitpü dou keiha büpai cheha aw kü jakei moila shuoh.

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

PHONGSHANTHÜ DOU 5:20

“Daituh, phopshem chingkonei yaongtü nanglakthü kü hapa yangnyu ja shahjang peü eyeishuoh” shei eteke.

MATHI 10:27

Ngei nyak kü am kü mehe enya, ha nyihnüng eyeishuoh, hatü mehe ammi nümei epü dannya, ha shem adokei aongei leneishuoh.

JONAH 3:2

“Layaongtuh, hatü chingnyü longpü Ninevehlei daituh, hatü ngei nüng kü shuohpü shahjang nanglakthü kü veneishuoh.”

JEREMIAH 26:2

Shembüpai hapakei enyüke: Shembüpalei shahphen shingei yaongtuh, hatü Shembüpalei shemei khümnüng peipü Judah jilathü kübü nanglakthü kü ha etuh. Ngei nüng kü epü lemphü eyeishuoh; shah phahükao te-am.

JEREMIAH 11:6

Shembüpai ngei kü, “Ha shahthü peü Judah jilathü hatü Jerusalem chingyangshong kü baongeishuoh. Vangpüshuwpü shahthü bangtuh hatü düktuh.

JEREMIAH 7:2

Shembüpalei phopshem shadenei yaongtü hapa shahjang baongtuh: “Am Judah nanglakthü üami hapa shem shaden homei peinya, Shembüpalei shah bangtuh.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

JEREMIAH 1:7

Shejao Shembüpai ngei kü, “Ngeiyü hashih hih shei te-e; mehenangkü ngei nüng üam touei shomhen, hathü peü touei daihen, hatü ngei mehe nüng kü etuh shei e, ha nüngi ehen.

NEHEMIAH 3:29

Jom kü dheanei Immerlei cheha Zadoki büpalei shem kü jiüpü ling. Büpa kü dheanei Heong Shaden yombü, Shekaniahlei cheha Shemaiah-i ling.

JEREMIAH 18:2

“Dük shükbülei shemei yiütuh, hatü halei ngei nüng kü ngelei shahjang yahphahen” shei e.