JEREMIAH 19:13 - DAÜLANGPÜ LAIHING (BSI)

¹³ Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

JEREMIAH 19:13 Referans Kwoze

JEREMIAH 32:29

Hapa chingnyü khüei hokpü Babylon am peiyei awi haphen, hatü ngei mongshihhüei Baal kahvang kü shem adokei ayingshü jakei khümpü hatü lebü kahvangthü kü yiü moila shuohteipü shemthü awi haptükhen.”

2 ONGPATHÜ 23:12

Ahazlei dokpa dung-am adokei Judah ongthüi lingpü moidüthü, hatü Shembüpalei Phopshem chingshelei Manasseh ongpai lingpü moidüthü büpai benei yaktük. Büpai haleipü hathü benei deiyei khih mü nihtüktü Kidron Kahjilei nyüp kei yaktük.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

JEREMIAH 44:18

Shejao hamei Vangsho Onglanyü kü ayingshü jakpü hatü yiü moila shuohpü dohhinüng ham meheyao neshiü, yan hatü münghishaü homei mahkemnyüke.”

MENVIH KESHO 79:1

Oh Kahvang, jatthüi nüngei mükjüp kahdokei peiteke; jomi nüngei daülangpü phopshem sheihtük; jomi Jerusalem mangtükteke.

MENVIH KESHO 74:7

Jomi nüngei phopshem awi haptüknyüke, Jomi nüng kü khümpüshem kahdokei dowei sheihtüknyüke.

2 ONGPATHÜ 23:10

Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

PHONGSHANTHÜ DOU 7:42

Shejao Kahvang jom toueipü yandai hatü vangsho lithilen kü khümhen shuohtük. Thibüthüi lai kü hapakei nyangei nyüke: “Bong pinyi jahpanei nyushi ammi ngei kü jakpü moila koei peila, Oh Israel phang?

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

JEREMIAH 52:13

Büpai Shembüpalei shem, ongshem hatü Jerusalem leipü shemthü peü kü awi hap. Shongnyü shemthü peü büpai shamtük.

2 ONGPATHÜ 23:14

Josiah ongpai yaong shemnyüthü nihtükkem, Asherah nyüha kahvangei lajeithü bapei yaktük, hatü büpai hapa shingthü kü shennyakei vangi matük.

PHONGSHANTHÜ DOU 10:9

Nyihphei haümhah hepak kü jomphong yen daipü chingnyü ngoiyaki Peter shem adokei phopnüng aong.

2 ONGPATHÜ 17:16

Jomi Shembüpa, jomei Kahvangei shahkungthü peü yaktük, hatü jomi jom shingvaishi mohoh cheha lajei nyi shükei ling, Asherah kahvangei lajei ling, hatü vangsho lithilen hatü Baal kahvang kü khüm.

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

JEREMIAH 19:12

Hapa shing hatü halei nyupüthü kü ngei hapa dükhen shei Shembüpai enyüke. Ngei hapa chingnyü-ü Topheth kei leitükhen.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?