23 Shejao nüng, Oh Shembüpa, Ngei jühen jomi lingpü kon nyingei nyüke, nüng toueipü jomei mang tethittük. Nüng toueipü jom noei yaktüktuh; nüng mongshih hepak küang jom kü dou dükeishuoh.
Ngei jühen yempüthü veüpong hatü mongmang danghütuh. Ngei khüei ten tempüthü nyokei leihütükte, hatü mongshanghütuh.
Hanangkü shennyakthü peü bhih-ei maantüktuh, hatü lomoh aühaühütuh, hatü nüngi hathü kü mang tetük.
Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.
Mehenangkü hathüyü nyangei nyupü peü jiüei bhüh yempü nyih.
Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.
Nüngi nyingei nyüpeih, Oh Shembüpa, ngei deih-ei dangtuh hatü ngei kü thümshih; hatü ngei kü shüveipüthü kü bhüh yemtuh. Nüng nenteiaokpai ngei yah-ei tedeitük; Nüng nangkü ngei meshük ne-ienelem ponghahpa deihtuh.
hatü jom hükao yemmü aoei netuhhen. Mehenangkü jom hanghihen bong kü ngei Anathoth shennyakthü kü shanghah shuohhen.
Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.
Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?
Oh Jeiyong Shembüpa Kahvang, Israel Kahvang, jatthü kü hanghi shuohhen nüng paotuh; nemeipü dükpüthü kü phahji tehu.
Shembüpai dou dükhen hepakü shaang khih; mehenangkü nüngei shahkungthü mangtükteke.
Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.
Hanangkü Shembüpai hapakei enyüke: Veituh, ngei hapa nanglakthü khüei huluh yaong haüphongnyeih; jomi ha kü huluh shuohtü dohen; nyühipa, hashih naüha hatü chingyow, hatü küphüthü chemi mahhen.
Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.
Am pungpü homei ngei am kü shuohtükpü mükjüp mahtükhen, hatü ngei ammi nenyingpü kahdokei vepathü chongphoei anghen; mehenangkü ngei mongshihpai aw bahhen, hatü hapa den kü bahshi nyuhen.
Shejao Shembüpai büpa kü etuh shei epü lemphü nanglakthü kü Jeremiah-i ekümhinüng, ngongpathü, thibüthü hatü nanglakthü peü thaiyei büpa yep, hatü, “Nüng jühen!
Hapheikü ngongpathü hatü thibüthüi lakchongbüthü hatü nanglak peü kü, “Hapa shennyakü dihen shangteke; mehenangkü büpai hapa chingnyü khüei eteke. Ammei dhaongi ha danteke” shei e.
Jomphongi Jeremiah kü mongshih-ei üpteke hatü laknyangbü Jonathanei shemei khoklat vaishi halei küpphongteke.
Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.
Ngei theppüyoungpü nyangei tuhtuh; nüngei laitap kü ngei mükphi yenpü nyangei tuhtuh. Hathü nyangei neshiüpü je?
Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.
Jomi nemeipü dou dükpü nüngi eeteke, Oh Shembüpa! hatü ngei khüei phaüshah showpü nüngi nyingteke.
Jomi eelapü nüngi danteke, Oh Shembüpa, hatü jomi ngei khüei tempü nüngi nyingteke.