JEREMIAH 18:17 - DAÜLANGPÜ LAIHING (BSI)

¹⁷ Heongphi leipü vanglük keiha ngei jomei vepathü toueipü jom nyaihühen. Jom lomohpü nyih ngei ngelei dhe nevai-i dok lepshuohhen.”

JEREMIAH 18:17 Referans Kwoze

JEREMIAH 13:24

Bhih kahdok leipü vanglüki hahbhang pilangpükei ngei am haitükhen.

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

MENVIH KESHO 48:7

heong vanglük peishingkü Tarshish leipü jahas nyupükei nyunyüke.

JOB SHAHSHA APPÜ 27:21

Heong vanglüki jom piyei anlangnyüke; hatü jom nyushing leipü maoei deilangnyüke.

JEREMIAH 46:21

Jomi leihahpü kung am veshanthüyü mohoh cheha nitshüpü kei nyüke. Jomao dok lepei chemi nyaidaiteke, jom vepa düngei neyaongaok; mehenangkü jom shanghahhen nyih hük, hatü jom hanghihen hepak hük peikünyüke.

JEREMIAH 32:33

Jomi ngei kü jomei dhe nemee, dok leppeih; ngei düngei jom kü nyuhjao jomi ha nebang nevaijü ngei ungei-aeipü phangkü neshüpeih.

SHAHKÜP 32:35

Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

KANDOK 24:16

Mehenangkü jom nyetpa dolangmao, jomphong shao-üng paokahen; shejao mangthü vongshüh-i mahkemhen.

EZEKIEL 7:22

Ngei jomphi leipü ngelei dhe lepdaihen, hatü jomi ngelei mop jaoshing phopshem sheihtükhen; gühpathü ha mongei shüei hapa sheihtükhen.

EZEKIEL 27:26

Ammei ai yatbüthü yungching yungmok kü müei daiteke. shejao heong vanglüki yungching jiamei hapa ai khüptük.