JEREMIAH 18:16 - DAÜLANGPÜ LAIHING (BSI)

¹⁶ Jomi jomei kahdokü nyembenüng leitüknyüke, den kü jiühitbenüng dou leitüknyüke. Ha peih-ei daipüthü peüi nyemnyüke, hatü ngaüm dhinyüke.

JEREMIAH 18:16 Referans Kwoze

MENVIH KESHO 22:7

Ngei eepü peüi ngei kü naamnyüke; jomei ngaüm dhiyei ngei kü yaüeilungnyüke.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 19:8

Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.

MATHI 27:39

Peihpü peüi ngaüm dhiyei büpa kü eela,

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

JEREMIAH 50:13

Shembüpai mongshihpü nangkü üamao halei nenyuhen, shejao lavüngtoiyei leidaihen; Babylon peih-ei daipüthü peüi hanhen, hatü pinnyü ma yahpü eetü thamahen.

JEREMIAH 49:13

Bozrah-ü nyemao nyemshi leihen hatü nyembenüng dou, eelanyongnya, thaüvaüthemthe dou leitükhen ngei nyingi lahtepih shei Shembüpai enyüke, hatü hapa jilathü peü den kü bentüktü yakphonghen.

1 ONGPATHÜ 9:8

Hapa Phopshemü nyüphinya yakshing kei leihen, hatü peihpü leihpü peüi yashanei naamnyi nyiyei, “Shembüpai hapa kahdok hatü hapa Phopshem kü mehekei hapakei dükshuohpa yo?” shei ehen.

MARK 15:29

Peihpüshaipü peüi ngaüm dhiyei büpa kü eelaei, “Aha! Nüngi phopshem bentü nyih jem mongkü vehen hih shei epü-ü,

ISAIAH 37:22

büpa khüei Shembüpai epü shah-ü hapa khih: Pai mü ngühpü Zion nela-i nüng ne-ienelemnyih hatüthaüvaünyeih, Jerusalem nelathüi nüngei ngaümpheilei ngaüm dhinyeih.

EZEKIEL 12:19

hatü hapa kahdokei nyupü shennyakthü kü etuh: Israel kahdok Jerusalemei nyupüthü kü Shembüpa Kahvangi hapakei enyüke: Jomi nyemyaki hahhen, hatü mongshangyaki yung yinghen; mehenangkü halei nyupüthüi üpteilenteipü nangkü hapa kahdokei nyupü lemphüli mahdaihen.

EZEKIEL 6:14

Hapheikü ngei jom khüei ngelei lak nohen hatü bhih kahdok kübü Riblah thahshi jom nyushing peü lavüngtoiyei leitükhen. Haphei küang jomi ngeiyü Shembüpa shei nyinghen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

MENVIH KESHO 44:14

Nüngi hamü jatthü touei shahlemlak kü shihhen mü leitük, hatü mih nanglak touei mihnyi pü leitükpeih.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

SHAHKÜP 28:59

Shembüpai am hatü ammei hühihathü kü nedohbenüng cham hatü dinten shomphahen.

LEVI 26:43

Mehenangkü shongei jomi hapa kahdok tuhphonghen hatü jom neshiüi hapa kahdok lavüngtoiyei nyupü thahshi nyiumeihen. Ngelei shahkungnyüthü hatü ngei epü yakphongpü nangkü jomi hapa hang shemhen vongbong.

LEVI 26:32

Ngei ammei kahdok chemjalak kü mangtükpü eeyei ammei kahdokei nyunüng peipü vepathüi hapa kü yashanhen.

MENVIH KESHO 109:25

Ngei kü thaüvaüpüthü touei ngeiyü mihnyi pü leidaiteke; ngei eejü jomi ngaüm dhinyüke.

JEREMIAH 42:18

Jeiyong Shembüpa, Israel Kahvangi hapakei enyüke: Ngelei mongshih Jerusalemei nyupüthü kü khüpshuohpü keiha, mechem am Ijiplei yiüei nyuhen ngelei mongshih khüpphahen. Amphongü thaüvaütükpü dou, nyembenüng, eela hatü yaüeilungtükpü dou leihen. Ammi hapa shing sheyü ne-eehen.

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

JEREMIAH 48:27

Güh-ei, bhahlah-ei neyepjao Israel amü am shingvaishi mihnyiyangnyai kei nyupeih; shejao mechem ami jom nang ehenshang yaüeilungei ngaüm dhihampeih.

JEREMIAH 49:17

Edom amü nyembenüng dou hük leidaihen; hapa ponghahpü eetü hapa shing peih-ei daipüthü peüi nyemhen hatü hanhen.

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

EZEKIEL 27:36

Jatthü kübü bhei leihpüthüi ammei mangshie nyiohahhen khih shei nyemnyüke; Amü nyembenüng dohpütenpü hük ngoiteke hatü hajük kü am nenyuhen.”

EZEKIEL 36:3

Hanangkü Shembüpa Kahvangi hapakei enyüke shei teteivanei etuh: Mehenangkü jomi amü lebü jatthülei lakmongei nyemnyu, hatü mihnyiyangnyai jatli, hatü yaüeilungei eteihen doutennangshai nyemlei shei am kü lem peü philemei lavüngtoiyei tuhhen ngümteke.

2 SHÜPPÜKENGPÜ 29:8

Hanangkü Shembüpalei mongshih Judah hatü Jerusalem kü peipeih; büpai hathüyü nyemhivüng hatü ne-ienelem dou hük leitükpeih, hatü ha ammei müki eenyüke.

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 51:37

Babylonü benpülangpü nyüp yakshing leitükhen, shahhishuwlei jep leitükhen, Üpaiyao nenyupü nyembenüng, hatü eelanyongnya shing leitükhen.

JEREMIAH 51:43

Pinnyülei kahdokü üpaiyao nenyupü, üpayao yendai ouham nelongteipü lavüngtoipü kahvan bhih kahdok leitükhen.