JEREMIAH 18:15 - DAÜLANGPÜ LAIHING (BSI)

¹⁵ Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

JEREMIAH 18:15 Referans Kwoze

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

JEREMIAH 2:32

Nela hüki laophülei chühiyük, hatü doidaila hüki laophülei owhiai be-aokhen je? Shejao ngelei nanglakthüi nyih longi ieyei neaoki ngei betükteke.

ISAIAH 57:14

“Lingtuh, lingtuh, lemnyüshong temtuh! Ngelei nanglakthülei lem kü bangpü peü nüngtüktuh” shei ehen.

MALAKI 2:8

Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

ISAIAH 41:29

Hathü kahvangthü peü yahlak neshiü; jomei douthüao kong, jomei lajeithü wong neshiü hatü kong khih.

MATHI 15:6

Hanangkü ammei bü vanglem men kü ammi Kahvangei shah angsha leitüknyüke.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 13:25

Hapayü ammei lashüh shangba, am kü dokei tuhpü phaihan shei Shembüpai enyüke. Mehenangkü ammi ngei betük, hatü shahshem kü hinglem.

JEREMIAH 3:21

Kahshang shaopü leipü vaüpü eepü, hatü Israel hapeüthü theppü dannyüke, mehenangkü jomi lemnyong kü kamei, Shembüpa, jomei Kahvang betükteke.

ROM SHAHSHA APPÜ 14:21

Nüngei jeihinaü hatü nyahinaü huluh shuohhü leimeyü phai nehahpü nevaijü yiü neyingpü nevaijü meheyao nedükpü meipüba.

JEREMIAH 44:25

Jeiyong Shembüpa, Israel Kahvangi hapakei enyüke: ‘Hami Vangsho Onglanyü kü yiü moila shuohhen’ shei lahpeyü am hatü ammei nyühathülei doui huteke. Hanangkü ammi mehe lah, ha düktuh! Ammi vangtükpü düktuh!

JEREMIAH 19:5

Jomi Baal kahvang kü laophülei hapeü aw kü jakei moila shuohhen shingvaishi Baal kahvangei vaümchongthü lingteke; ngei mechemao jom kü eyei nenyu, nevaijü ngelei mong kü deihshi nenyuangpih.

ISAIAH 62:10

Penyüsha homei daituh, leiküpü nanglakthü shing lem temtuh; Lemnyüshong lingtuh, yaonghipü yaktüktuh, jatthüi nyinghen shangmü khüamlung haongtuh.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.

ISAIAH 3:12

Hasho naü-eethüi ngelei nanglakthü kü shüveihen, nyühathüi jom shak kü vanglem lemhen. Oh ngelei nanglakthü, ammei mübüthüi am lemnyong kü münyüke; jomi am lembienei deilangnyüke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

JEREMIAH 18:14

Yaongvak shong kübü Lebanon shüdao nyaüei mahnyu je? Haleipü vüngmakpü yung neyeni mechemshangao üdaiphei je?

JEREMIAH 51:18

Hathüyü yahlak neshiüpü eelanyongnya douthü khih. Mechem jom kü shahphenhen ngoihenshang jom mahkemhen.

EZEKIEL 21:15

Hapai ngelei nanglakthülei mong maandaihen, hatü longshi shing huluh shuohhen. Jomei penyüsha kemeilei ngei jom jühen yan notü tapei tuh-ei nyüpeih. Oh! hapayü klang kei nyelepshi nyüke, hatü hapayü jühen nangkü thittüktü nyüke.

EZEKIEL 36:15

hatü hajük kü lebü jatthüi am kü yaüeilungei epü nedanhühen; hajük kü shennyakthülei mongmang nekohühen, hatü ammi laophülei jat huluh neshuohhühen shei Shembüpa Kahvangi enyüke.

HOSEA 2:6

Hanangkü ngei pinnyülei lem hühhihangi bangtükhen; hatü pinnyüi lem nedanghen mü pinnyü shonei pe showtükhen.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

JEREMIAH 1:16

Jomei mang homei ngei yakphongpü nangkü ngei jom khüei shahphenhen; jomi lebü kahvangthü kü moila shuoh-ei jomei laki linghahpü lajeithü kü khümteke.

JEREMIAH 11:12

Judah jilathü hatü Jerusalem nanglakthü daiyei jomi ayingshü jakei khümpü kahvangthü kü nyükhen, shejao shanghah dhaümshing kü hathüi lanshei nesheühhen.

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.