JEREMIAH 17:7 - DAÜLANGPÜ LAIHING (BSI)

⁷ Üpa shennyaki Shembüpa kü hinglem, hatü monglemnya, büpa moihimanpü.

JEREMIAH 17:7 Referans Kwoze

MENVIH KESHO 34:8

Jepei veihümao Shembüpayü meiangpeih; büpa kü loipü shennyakü moihimanpü.

MENVIH KESHO 40:4

Üpa shennyaki laophü hinglempü Shembüpa kü tuh, üpai changmeipü am kü nevei, nevaijü lebü shahshem kahvangthü kü nekhüm moihimanpü.

MENVIH KESHO 125:1

Üami Shembüpa kü hinglem, Zion Kahshang kei nyuhen, ha mechemao shing nechaihen, shejao den kü lakshing nyuhen.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

KANDOK 16:20

Üami nyuhpüvenpü kü kenhingei nyunya, dapüshepü leinyüpeih. Üami Shembüpa kü hinglemnya, jomphong mongong.

MENVIH KESHO 84:12

Oh Jeiyong Shembüpa, üpai nüng kü hinglem, büpayü moihimanpü.

MENVIH KESHO 146:5

Jakob Kahvangi sheühhahpü amü moihiman, Shembüpa, jomei Kahvang kü monglempüthü moihiman!

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

EPHESIA 1:12

Shejüang jenphong üam Khrista kü shongei monglemhen nyüpa, büpalei müknyinshekhang kü vihei jen nyuhen.

MENVIH KESHO 71:5

Oh Shembüpa, nüngü ngelei monglem shing, Oh Shembüpa, nüngü ngei hashih mebü ngei hinglempüba.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

JEREMIAH 39:18

Ngei nüng yanghen; nüng yani nemahpih, shejao nüngei yangnyu yanghen; mehenangkü nüngi ngei kü hinglem shei Shembüpai enyüke” shei eteke.

DANIEL 3:28

Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

MENVIH KESHO 20:8

Jomü bendaihen hatü dodaihen, shejao jen payü wongshongi yaonghen.

ZEPHANIAH 3:12

Mehenangkü ngei amphong khongkü nenteiaokpü, hatü inpünyaipü shennyakthü tuhphahen. Jomi Shembüpalei men kü hinglemhen.