JEREMIAH 17:26 - DAÜLANGPÜ LAIHING (BSI)

²⁶ Judah chingnyüthü kübü nanglak hatü Jerusalem shinei nyupü chingthü kübü nanglak, Benjamin kahmük hatü pehephi kahshangla kübü, phaüshang kahmük hatü Negeb kübü Shembüpalei shemei shuohhen jakpü moila, hatü lebü moila, hahying moila, ayingshü hatü menvih shuohpü moilathü koei peikahen.

JEREMIAH 17:26 Referans Kwoze

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

JEREMIAH 33:13

Phaüshang kahmük jilathü, Negeb kahshangla heshüphi, Benjamin kahmük kü, Jerusalem shinpü chingthü, Judah jilathü kü mi yombü hükei laki mithü iehen” shei Shembüpai enyüke.

JEREMIAH 32:44

Benjamin kahdok kü, Jerusalem shinpü chingthü, Judah jilathü, heshüphi kahshangla hatü Negeb kü kahthü shakei hapa kü füoshang shingei denpü shuohhen, mehenangkü ngei laphen lingei leihen” shei Shembüpai enyüke.

MENVIH KESHO 107:22

Jomi menvih shuohpüjakpü moila shuohhütuh, hatü mongong kesho homei büpalei douthü jung ehütuh.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

MENVIH KESHO 116:17

Ngei nüng kü menvihpü moila shuohhen, hatü Shembüpalei men kü nyükhen.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

HEBREW 13:15

Shejema, büpa homei jeni nedoh-i Kahvang kü menvih shuohpü moila, lappai, büpalei men kü lahpü jubenyeijang betjük shuohshah.

EZRA 3:11

Duei-ouei jomi Shembüpa kü menvih shuoh-ei hapakei jangteiyei lokteke: Shembüpai chongnyiam yaong haüpü nangkü nanglakthü peüi Shembüpa kü menvih shuoh-ei jangteiyei wongmü lenteke: “Mehenangkü büpa meipü nyüke; büpai Israel am kü bampü denden kü nyüke.” Hatü nanglakthü peüi ngeüwong anei Shembüpa kü menvih shuohteke; mehenangkü Shembüpalei shem chongnyiam yaong haüteke.

MENVIH KESHO 66:13

Ngei nüngei phopshemei jakpü moila koei peihen; nüng kü lahtükpü ngei dükhen.

JEREMIAH 30:19

Jom leipü menvihpü kesho vamhen, hatü mongongpü ngeü vamhen. Ngei jomei nanglak bhei-ie nyeinya dahühen, hatü jom maanei neleihen; Ngei jom kü dhüm koei peihen, hatü jom nevüshihhen.

ISAIAH 58:13

Ammi laophülei la-i Sabbath nyeü nemang, hatü ngelei daülangpü nyih kü am nadang kü nelongtei-i, ammi mongpü lem kü nedai-i nevaijü ammi mongpükei nedüki shahten ne-e-i nyujema,