JEREMIAH 17:25 - DAÜLANGPÜ LAIHING (BSI)

²⁵ Davidei ong uoshing kü uopü ongpai büpalei lakchongbüthü mütü hapa chingnyü penyüsha homei shühen shei Shembüpai enyüke. Ongthüi jomei lakchongbüthü mü koyei khari hatü koyeithü kü uotü, ha mü Judah shennyakthü hatü Jerusalemei nyupüthü halei shühen, hatü hapa chingnyü kü den kü chingchingei nyuhen.

JEREMIAH 17:25 Referans Kwoze

JEREMIAH 22:4

Mehenangkü ammi hapa shahkung dükhen kenhingjema, David ong uoshing kü uopü ongthüi hapa ongshem shaden homei koyei khari hatü koyeithü kü uotü jomei lakchongbüthü hatü nanglakthü omshi peikahen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

JEREMIAH 33:21

ngelei chongphobü David mü vangpüshuwpü, hatü ngei chongphopü Levi am ngongpathü mü vangpüshuwpü mangtükaokhen, hatü Davidi laophülei ong uoshing kü vanglem lemhen hühiha neshiüi nyuhen.

JEREMIAH 33:17

Mehenangkü Shembüpai hapakei enyüke: Israel amei ong uoshing kü uotü ong vaihen shennyak taoei mechemao David nenyuhen,

JEREMIAH 33:15

Hathü nyih kü hatü hapa hepak kü ngei Davidei hühiha kübü daülangpü Pükao hük vamhühen hatü büpai kahmük kü shahhing hatü daülangshemshepü dükhen.

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

JEREMIAH 22:30

Shembüpai hapakei enyüke: “Ha shennyakü hapeü neshiüpükei nyangei tuhtuh. Shennyak hük laophülei nyih kü uoshing jeihen neshiüpü; Mehenangkü büpalei hapeüthü üpaiyao David ong uoshing kü uohen nevamhen, hatü Judah kü shao vanglem nelemhen.”

JEREMIAH 13:13

Hahepak kü nüngi hathü kü Shembüpai hapakei enyüke shei etuh: Ngei hapa kahdok kü nyupüthü peü Davidei ong uoshing kü uopü ongthü, ngongpathü, thibüthü, hatü Jerusalem kü nyupüthü peü yiüi chokhühen.

2 SAMUEL 8:4

Davidi jomei koyei khari kü uopü shennyakthü haja hük mü kho nyet, hatü la mü daiyei hokpü veshan haja kukha yepei yah. Büpai koyei khari kho hük mon tuhtü aopü kemei la bhagtükkem.

1 SAMUEL 8:11

Büpai, “Am shak kü vanglem lemhen ongpai hapakei dükphahen: ‘Büpai ammei yeshangthü yah-ei büpalei koyei khari hatü koyeithü müteihühen, hatü jomphongü büpalei koyei khari shekü thepju kü deishihhen.

SHAHKÜP 17:16

Ongpai büpa shingvaishi koyei longi ne-anghen nevaijü koyei shakhen shingvaishi nanglakthü shao Ijiplei neleishihhen; mehenangkü Shembüpai am kü, “Am ne-yei hapa lem kü nyokei neleihen” shei eteke.

MÜLANGPÜ 12:14

Hapa nyih-ü am shingvaishi deih-ei dangpü nyih vaihen. Ammi hapayü Shembüpalei Mo shei hüdenhalenshi moteituh.

JEREMIAH 22:2

“Oh David ong uoshing kü uopü Judah ongpanüng, hatü nüngei lakchongbüthü hatü hapa shadenthü homei shüteipü nanglakthü, Shembüpalei shah bangtuh.

JEREMIAH 25:5

Jomi am kü, “Shaang am peüi ammei nemeipü lemthü hatü ammei douten kübü mong leptuh. Shejüang Shembüpai am hatü ammei bühipa kü denshing shuohpü kahdokei nyuhen.

JEREMIAH 7:3

Jeiyong Shembüpa, Israel Kahvangi hapakei enyüke: Ammei lemthü hatü ammei dükhiling jeiletuh, hatü ngei am mü hapa shingei nyuhen.

JEREMIAH 7:7

ngei den shingvaishi ambü ampa kü shuohpü kahdokei ngei am mü nyuhen.