JEREMIAH 17:2 - DAÜLANGPÜ LAIHING (BSI)

² Jomei hapeüthüi dangkao püdhüm hatü shangtao shaopü peü kü jomei moidü hatü Asherah kahvang lajeithü kü khümnyüke.

JEREMIAH 17:2 Referans Kwoze

2 SHÜPPÜKENGPÜ 24:18

Jomi Shembüpa, chebü chepalei Kahvangei phopshemei khümpü dohdai, hatü Asherah nyüha kahvang hatü lajeithü kü khüm. Jomi mang thahpü nangkü Judah hatü Jerusalem kü Shembüpalei mongshih peiteke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

ISAIAH 17:8

Jomi jomei laki linghahpü moidü kü dhüm neshuohhen, hatü jomi Asherah nyüha kahvang kü hingnelemhen, nevaijü jomei laki lingpü ayingshü jakpü moidü kü neveihen.

ISAIAH 1:29

Ammi mongongteipü longkhampüthü eejü veükahen, ammi lümei khümteipü pemongthü eeshingkü mongmangkahen.

2 SHÜPPÜKENGPÜ 33:3

Büpai chepa Hezekiah-i bentükpü vaümchongthü lingei lei, hatü Baal kahvangei moidüthü hatü Asherah nyüha kahvangei lajeithü ling. Büpai lithathü kü khüm.

SHAHPHENBÜTHÜ 3:7

Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

MENVIH KESHO 78:58

Jomei phuhpü vaümpü shing homei jomi büpa mongshihhü; jomei lajeithüi büpa mongmanghü.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

MÜLANGPÜ 34:13

Ammi jomei moidüthü, jomei daülangpü shemnyüthü, hatü jomei Asherah nyüha kahvang lajeithü nihtüktuh” shei e.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

JEREMIAH 3:23

Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”

SHAHKÜP 12:2

Kahshang shaopüthü hatü shangtaothü hatü püdhüm vungdhüm peü kü ammi changtükhen jatthüi jomei kahvangthü kü khümhen linghahpü shingthü peü mangtükkemtuh.