JEREMIAH 17:19 - DAÜLANGPÜ LAIHING (BSI)

¹⁹ Shembüpai ngei kü ha eteke: “Daituh, hatü nanglakthülei penyüsha melei Judah ongpai shünya hatü vamnya, halei heih-ei yaongtuh; hatü Jerusalem kü lebü penyüshathü peü kü yaongtuh.

JEREMIAH 17:19 Referans Kwoze

JEREMIAH 26:2

Shembüpai hapakei enyüke: Shembüpalei shahphen shingei yaongtuh, hatü Shembüpalei shemei khümnüng peipü Judah jilathü kübü nanglakthü kü ha etuh. Ngei nüng kü epü lemphü eyeishuoh; shah phahükao te-am.

JEREMIAH 7:2

Shembüpalei phopshem shadenei yaongtü hapa shahjang baongtuh: “Am Judah nanglakthü üami hapa shem shaden homei peinya, Shembüpalei shah bangtuh.

PHONGSHANTHÜ DOU 5:20

“Daituh, phopshem chingkonei yaongtü nanglakthü kü hapa yangnyu ja shahjang peü eyeishuoh” shei eteke.

JEREMIAH 36:10

Nanglak peüi danshi Barukh-i Shembüpalei shem Shaden Ja touei jaandokei nyupü Shaphanei cheha laknyangbü Gemariahlei dungnukei yaongtü Jeremiah-i epü shah Shembüpalei shemei ha ieteke.

JEREMIAH 36:6

hanangkü nüng dangkao shüaeiyunglepü nyih kü daituh, hatü ngei ju mü epü kü nüngi nyangpü Shembüpalei shah nanglakthüi danshi iejatuh, hatü shao jomei jila leipü aongpü Judah am peü danshi iejatuh.

JEREMIAH 19:2

hatü Ben-Hinnom Kahjilei Dük Shükpü Shadenei heih-ei halei ngei nüng kü epü hapa shahthü baongeishuoh.

KANDOK 9:3

Pinnyüi pinnyülei nelathü jom nyet shomei chingnyü kü shaopü shingthü kübü nyüknyüke.

KANDOK 8:1

Kihikoni nenyüknyu je? Danaokpü koni ngeüwong neannyu je?

JEREMIAH 17:18

Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.

JEREMIAH 17:20

Jomphong kü, ‘Shembüpalei shah bangtuh, Oh Judah ongthü hatü Judah nanglakthü peü, hatü hapa penyüshathü homei kamteipü Jerusalemei nyupüthü peü.’