JEREMIAH 17:18 - DAÜLANGPÜ LAIHING (BSI)

¹⁸ Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.

JEREMIAH 17:18 Referans Kwoze

MENVIH KESHO 35:4

Ngei jühen yempüthü veüpong hatü mongmang danghütuh. Ngei khüei ten tempüthü nyokei leihütükte, hatü mongshanghütuh.

JEREMIAH 20:11

Shejao Shembüpayü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.

JEREMIAH 11:20

Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

MENVIH KESHO 40:14

Üami ngelei yangnyu jühen yemnya, jom peü veühütuh hatü nepongpaüpü vamhütuh; Üami ngei lomohhühen kennya, jom peü mongmangpai nyokei leihütuh.

MENVIH KESHO 35:8

Nedeih-i nyushingkü jom kü ngangahük kü mahpü peihütuh. Jomi haenpü tai kü jom manhütuh; hatü kahsha kü demhütuh.

SHAKEI VAMPÜ 18:6

Pinnyüi shuohpükei pinnyü kao yah-eishuoh, hatü pinnyülei dou kü shing nyi shemeishuoh; pinnyüi vukpü pati kü ühivan shing nyi vukeishuoh.

JEREMIAH 17:16

Nüngei mi yombü vaipü kübü ngei paüei nelüdai; ngei shanghahpü nyih nelümnyih shei nüngi nyangei nyüke. Ngelei juben kübü mehe vamei enya hayü nüng touei ngaihe-i nyüke.

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

MENVIH KESHO 71:1

Oh Shembüpa, ngei nüng kü loinyeih; ngei veü teponghüma.

MENVIH KESHO 70:2

Ngei jühen yempüthü veü danghütuh, hatü nepongpaü-i leihütuh. Ngei kü lak shihhen yempüthü nyokei leishihtuh, hatü hai danghütuh.

JOB SHAHSHA APPÜ 16:14

Leiyei leiyei büpai ngei ma yahhünyüke; hampa-i keiha büpai ngei kü changnyüke.

JEREMIAH 14:17

Nüngi hathü kü ha shah etuh: Nyakhingai thüngei nedoh-i ngelei mük kübü mükphi yenhütuh; Mehenangkü ngelei pai mü ngühpü nela ngelei nanglak nemei-i ma yahteke, hatü khih mü ngümtükteke.

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

JEREMIAH 12:3

Shejao Oh Shembüpa, nüngi ngei nyingnyeih; Nüngi ngei kü veishih, hatü doktuh– ngelei mongdang nüng mü nyüpeih. Jühen mithü kei jom shüei ngaituh, hatü jühen nyih shingvaishi hayaoha khaatei tuhtuh.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

JEREMIAH 17:19

Shembüpai ngei kü ha eteke: “Daituh, hatü nanglakthülei penyüsha melei Judah ongpai shünya hatü vamnya, halei heih-ei yaongtuh; hatü Jerusalem kü lebü penyüshathü peü kü yaongtuh.

SHAHKÜP 33:11

Oh Shembüpa, jomei lahhinpü dousho kü, hatü jomei lakdou kü moihiman yah-eishuoh. Jom khüei yaongpü vepathü ne-yei neyaongaokhen mü ngümtüktuh.”