JEREMIAH 17:11 - DAÜLANGPÜ LAIHING (BSI)

¹¹ Shahhing ne-epü mop dangpeyü ouha hük laophüi nedipü ati sheipükei nyüke. Büpalei yangnyu tavanshem kü hathü mop mahdaihen, hatü shompülei büpayü ngapa khih shei nyinghen.

JEREMIAH 17:11 Referans Kwoze

KANDOK 28:20

Shahhing epü shennyakü moihimani maei nyuhen, shejao üpai shemmei leihen shaoksheünya, mechemao nehanghi-i nenyupih.

KANDOK 21:6

Shahshem eshi dangpü mopü ngü laodaipükei nyüke, hatü dihen aethitai.

JEREMIAH 22:17

Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

JEREMIAH 22:13

Üpai laophülei shem shahhing ne-e-i venya, hatü shahshemi shem jaan mü jaan mü venya, laophülei shennyak kü lat neshuoh-i angkü shem vehünya, onyükei.

KANDOK 28:8

Üpai mih-i lupü bheishe hang kü bhüpü longi üei yah-ei shemmei leinya, büpalei mopü taopathü kü bampü shennyakei lakmongei shüdaihen.

KANDOK 15:27

Hahnempü shennyaki laophülei shemong kü shanghah koei leinyüpeih, shejao üpai yawhdou kü jiühitnya, yemmü nyuhen.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

ZEPHANIAH 1:9

Ha nyih üami shakung benei tüteinya, hatü laophülei shembülei shemei lak shihteipai hatü gühdoui mahünya ngei hanghihühen.

KANDOK 28:22

Taohinangi büpa danei nyüpeih shei nenyingi kaungtut shennyaki shemmei leihen shülangnyeih.

KANDOK 13:11

Shahhing ne-epü mop shodaihen, shejao maani maani thaipü amei mop longnyüpeih.

MENVIH KESHO 55:23

Shejao Oh Kahvang, nüngi hathü kahsha chüpülei hütükhen; iy yenhüpü hatü lupülempüthü jomei yangnyu hükkei shingao nenyupih. Ngei payü nüng kü hinglemnyeih.

LUK SHAHSHA APPÜ 12:20

Shejao Kahvangi büpa kü, “Nüng ngapa! sheya-üng nüngei yangnyu nüng kübü yülanghen. Hahepak kü nüngi laophü tempü üpa shing vaihen?

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

1 TIMOTI 6:9

Shejao üami shemmei leihünya dokpü kü vühen, hatü nanglakthüi lomohpü hatü mahpü sholi neshiüpü hatü yemei dihen taikon kü mandainyeih.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEKHARIAH 5:4

Jeiyong Shembüpai enyüke, “Ngei hapa thaüvaü shomhen hatü hapa gühpalei shemei hatü ngelei men kü shahshem denbülei shemei shühen. Hapa jomei shemei shüei taukta hatü yaongthü peü mangtükhen.”

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

MIKA 2:9

Ammi ngelei nanglak nyühathü jomi bampü ngamshem kübü changtük; Ammi ngelei moihiman jomei hapeüthü leipü düngeipü shing yahlang.

AMOS 3:10

Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.

KANDOK 28:16

Danaokpü neshiüpü ongpayü mih kü shüveipü vanglem lembü, shejao üpai shahshem kü jiühitnya, yangnyu shoshoei nyuhen.

KANDOK 23:5

Chem mon eetü hayü nyadaihen; mehenangkü ha kü yang kohtü alang kei phumshangei pidaiphahen.

MENVIH KESHO 49:13

Laophü kü monglemtü nyupüthü, hatü jomi epü shah yahtü jom phei müpüthülei lashüh-ao hapakei nyunyeih.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

JOB SHAHSHA APPÜ 20:21

Büpai hahhen meheyao aoei neshiü; büpalei mophimo mechemao sheneimenei nenyuhen.