JEREMIAH 17:10 - DAÜLANGPÜ LAIHING (BSI)

¹⁰ Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

JEREMIAH 17:10 Referans Kwoze

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

ROM SHAHSHA APPÜ 8:27

hatü Kahvang, üpai mongdang yemnya, büpai Laanghalei mong mehe ha nyingnyüke; mehenangkü Kahvangi mongpü keiha hapa Laanghai daülangpüthü shingvaishi phopnyüke.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

JEREMIAH 11:20

Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

JEREMIAH 32:19

nüngi kon kohpü hatü nüngei dou peü yashanshi; nüngei müki hangkulei lemthü peü kü veishi nyüke, hatü peü kü laophülei lem hatü laophüi dükpü kübü betjük shangshi nüngi laklei shuohnyüke.

JEREMIAH 20:12

Oh Jeiyong Shembüpa, nüngi daülangpüthü kü doknyeih, hatü mongdang sholi dokei veinyüpeih. Nüngi jom kü bhüh yempü kü ngei veishah; mehenangkü ngelei nang nüng kü shuohtüktih.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

SHAKEI VAMPÜ 22:12

“Veituh, ngei lomi yiükünyeih; peü kü laophülei dou aimü shuohhen laklei ngei mü nyüpeih.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

MENVIH KESHO 62:12

hatü bampeyü nüngei, Oh Shembüpa. Mehenangkü laophülei dou aimü nüngi peü kü shemnyeih.”

KANDOK 17:3

Hon hi nginü awi doknyüpeih, shejao mongdangü Shembüpai doknyüpeih.

SHAKEI VAMPÜ 20:12

Hatü ngei dipüthü longpü maanpü peü ong uoshing touei yaongshi ee, hatü laithü apteke. Shao lebü lai hük, yangnyu laitap apteke, hatü dipüthü peü lailei nyangei nyupü jomei dou aimü shahphenteke.

2 SHÜPPÜKENGPÜ 6:30

nüngi nüng nyushing vangsho leipü bangtuh, hatü mang tükeishuoh. Laophüi dükpü aimü nüngi jom kü dükeishuoh; mehenangkü nüngi mon hangkulei mongdang nyingnyüpeih.

JOHAN 2:25

hatü büpa shingvaishi shennyak hük shing shennyak hük leipü denpü nadang neshiü; mehenangkü shennyak peü kü mehe nyu, ha büpai nyingdaikem.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

MENVIH KESHO 7:9

Oh nemeipüthülei douten dohhütuh, shejao daülangpüthü chonglinghütuh, nüngi mongdang hatü sholi doknyeih, Oh daülangpü Kahvang.

ROM SHAHSHA APPÜ 6:21

Shejema ammi shaang veüei deihpü dou dükei nyushingkü ammi mehe nanglei dangpa? Hathü douei dohpütenpeyü dipü nyüke.

1 SHÜPPÜKENGPÜ 29:17

Ngelei Kahvang, nüngi mongdang yemnyeih, hatü kangshangpüthü kü mongmeinyeih shei ngei nying; ngelei mongsha daülangpai ngei hathü dou mongongshi shuohpeih, hatü shaang hatouei nyupü nüngei nanglakthüi monghumei mongongshi shuohpü ngei eeteke.

MIKA 7:13

Shejao kahmük payü halei nyupü shennyakthüi dükpü mang homei lavüngtoiyei yakphonghen.

MATHI 6:4

shejüang ammi sheühpeyü joshi nyuhen, hatü ammi joshi dükpü eepü Pa-i am kü laklei shuohhen.

PHONGSHANTHÜ DOU 1:24

Hapheikü jomphongi, “Shembüpa, nüngi peüei mong nyingei nyüke. Nüngi henyi khongkü üpa jepa?

1 ONGPATHÜ 8:39

nüng nyushing vangsho leipü nüngi bangtuh, hatü mang tüktü dou düktuh. Shennyak ieyei mü büpai dükpü aimü dükeishuoh; mehenangkü nüngi büpalei mong nyingei nyüke, nüngi mon hangkulei mongdangei mehe nyu, ha nyingei nyüke.

MENVIH KESHO 44:21

hamei mongdang leipü shahjo nyingpü Kahvangi ha nenyinghen je?

CHONGVENBÜ 9:3

Peü kü aihük lashüh-i beannyüke, hatü vanghenyü phangkü vampü peü kü hayü mang. Nyeinya vaishi, peüei mongdang kü mangi maei nyüke; jom yemmü nyupü thahshi jomei mongdang kü ngapüyoipü nyüke, hatü hapheikü jom didaikemnyüke.

ISAIAH 59:18

Jomei dou aimü büpai nyokei shuohhen; büpalei vepathü kü mongshih, hatü hanghi shuohhen, yungkung kahdokei nyupüthü kao hapa hanghi shuohhen.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

EZEKIEL 11:5

Hahepak kü Shembüpalei laangha ngei touei pei, hatü büpai ngei kü hapakei etuh shei e: “Shembüpai hapakei enyüke: Amphongi hapakei deihnyüke, Oh Israel phang, shejao ammei mongei mehe deihnya ngei ha nyingnyeih.

EZEKIEL 14:5

Lajeithü kü mong shuohtüktü ngei yakphongpü Israel nanglakthülei mong yepei leihen shingvaishi ngei hapa dükhen.”

JOB SHAHSHA APPÜ 34:11

Shennyaki mehe dük, ha kü büpai nyokei shuohnyeih, hatü laophülei doui shangpü kei büpai shuohnyeih.

MENVIH KESHO 7:10

Kahvangü ngelei inyüshung, büpai mongdang daülangpüthü yangnyeih.

MENVIH KESHO 44:22

Shejao nüng tata kü helushoei ham jütüknyüke; hamü jühen deipü mithü kei nyüke.

KANDOK 12:14

Nüngei thintho-ü nüngei ju kübü vamei epü kü kohshi nyüke, hatü laophülei laki dükpü shangshi thintho nyüpeih.

JEREMIAH 23:2

Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.