JEREMIAH 16:4 - DAÜLANGPÜ LAIHING (BSI)

⁴ Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

JEREMIAH 16:4 Referans Kwoze

JEREMIAH 25:33

Hapa nyih Shembüpai jüpüthü kahdok dohpü junghük kübü junghük thahshi nyuhen. Jom kü üpaiyao mahng nethephen, nevaijü üpaiyao jungeilangei mahng nevühen; jomü kahdok leipü nyüphinya kei nyuhen.

MENVIH KESHO 83:10

Jom Endorlei mahkem, hatü mahmahngü kahdokei nyüp kei yaüshi nyuteke.

JEREMIAH 9:22

Shembüpai hapakei enyüke shei etuh! “Hangku mahngü chingyangshongei nühinam shüngpükei nyuhen, hah vetpü am pheikü manang yaüpükei nyuhen, hatü hathü üpaiyao nejunghen.”

ZEPHANIAH 1:17

Ngei nanglakthü kü shangpong yakying koei peihen, hatü jomü mükphüngpathü kei kamhen. Mehenangkü jomi Shembüpa khüei mang thahteke. Jomei iy bhihla pungpükei punghen, hatü jomei phai nühinam keiha haihen.

JEREMIAH 34:20

hathüyü jom jühen yempü vepathü kü shuohtükhen. Jomei mahmahng peü asha alang hatü yemhimakthülei phai vaihen.

JEREMIAH 7:33

Hapa nanglakthülei mahngü ouhiyüh, yemhimakthülei het vaihen, hatü ha kü üamiyao nevowhen.

ISAIAH 18:6

Jomei mahng asha alang phai vaihen, hatü kahdoknyü kübü phaüyemthüi hahhen. Phaü-outhüi shaoyang kemei, hatü phaüyemthüi ünyü yang kemei ha hahhen.

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

JEREMIAH 44:27

Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.

JEREMIAH 36:30

Hanangkü Judah ongpa Jehoiakim nangkü Shembüpai hapakei enyüke: Büpa kü jeiyei David ong uoshing kü uohen hahimoi hükao nenyuhen, hatü büpalei mahngü nyihnüng vanghenyü sham kü hatü yanüng vangsho nyien kü haihühen mü noei deiyei yakphonghen.

JEREMIAH 34:17

Hanangkü Shembüpai hapakei enyüke: Ammi ngelei shah nebang; amphongi jempü Israel am kü bümei hean neshuohpü nangkü shaang ngei am kü bümei hean shuohnyeihhapa bümei heanü yan, cham hatü münghishaü homei mahhen shuohnyeih shei Shembüpai enyüke. Ngei amphongü kahdoknyü jatthü peü touei jiühitbenüng leihühen.

ISAIAH 5:25

Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

MENVIH KESHO 78:64

Jomei ngongpathü yani mah, hatü jomei vaümnyüthüi nethep neyoungnyu.

2 ONGPATHÜ 9:10

Jezreel kahdokei Jezebelei bümü shithüi hahhen, hatü üpaiyao pinnyülei mahng nevühen’ ” shei e. Ha ephongtü büpai sha apei mokdai.

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

SHAHKÜP 28:26

Am dijü ammei mahngü asha alang phai hatü phaüyemei het leihen hatü hathü wowtükhen üpayao nenyuhen.

JEREMIAH 19:7

Hapa shingei ngei Judah hatü Jerusalem amei küpjanthü mangtükhen. Ngei jomei vepathülei yani mahhühen; jom jühen yempüthülei lak kü shuohhen, hatü ngei jomei mahmahng asha alang hatü yemhimakthülei phai leitükhen.

YOUNG LAI 4:9

Hahhen yinghen neshiüi phaülei aeiyei leyei dileimeyü, vehok kü didaipüthü-üng vangmei khih.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

SHAHKÜP 28:22

Shembüpai am kü thahteibenüng dinten, daopü poukpü hatü pheüi shanghahhühen; büpai am kü nyahpüshampü, üpüvanpü shomei ammei sheilivungla mangtükhen.

JEREMIAH 21:6

Ngei hapa chingei nyupü shennyak hatü yemhimakthü jühen, hatü jomphongü nyembenüng chamhilemi dihühen.