JEREMIAH 16:21 - DAÜLANGPÜ LAIHING (BSI)

²¹ Hanangkü hingmei ngei jom kü nyuhhen, hapa hepak kü ngei jom kü ngelei nganhiwong nyuhhen; shejüang jomi ngelei menü Shembüpa shei nyinghen.

JEREMIAH 16:21 Referans Kwoze

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

JEREMIAH 33:2

Kahdoknyü lingpü Shembüpa, hapa shükei shingnüngei tuhpü Shembüpa, büpalei menü, Shembüpa, büpai hapakei enyüke:

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

AMOS 5:8

Üpai lithathü, Pleiades hatü Orion lingpa, hatü shangmangi nepnüng leitüknya, hatü nyihnüngi vangnyak leitüknya, üpai yungching yung kü nyüknya, hatü kahdok kü vang keihünya, hayü Shembüpa, büpalei men nyüke.

ISAIAH 43:3

Mehenangkü ngeiyü Shembüpa, ammei Kahvang; am Yemleibü, Israel amei Daülangpü Kahvang. Am yanghen nangkü ngei Ijip am lomohhühen; am nangjei Kush hatü Seba am yakphonghen.

MÜLANGPÜ 15:3

Shembüpayü hampa nyüke; Shembüpayü büpalei men nyüke.”

EZEKIEL 25:14

Ngei ngelei nanglak Israel amei lak homei Edom am kü ngei bhüh yemhen, hatü jomphongi Edom am kü ngelei mongshih aimü dükhen; jomi ngei bhüh yempü nyinghen shei Shembüpa Kahvangi enyüke.”

EZEKIEL 24:27

Hapa nyih amphongi yangpü shennyak touei ammei ju kaei ehen hatü hajük kü nenmü nenyuhen. Hanangkü amphongü jom kü nyangeihepü vaihen, hatü jomi ngeiyü Shembüpa shei nyinghen.

EZEKIEL 24:24

Hapa keiha Ezekiel-ü am shingvaishi nyangeihepü hük nyukahen; büpai dükpükei ammi dükhen. Mechem ha peikahenshang, ammi ngeiyü Shembüpa Kahvang shei nyinghen.’ ”

EZEKIEL 6:7

Ammei nanglakthü peü lemei jühen, shejüang nedi-i yangpüthüi ngeiyü Shembüpa shei nyinghen.”

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 6:3

Ngei Abraham touei, Isak touei hatü Jakob touei Jeiyong Kahvang shei shakei vamei hupeih, shejao ngelei daülangpü men, “Shembüpa” shei jomphong üpa kao nenyinghüangpih.