JEREMIAH 16:19 - DAÜLANGPÜ LAIHING (BSI)

¹⁹ Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 16:19 Referans Kwoze

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

NAHUM 1:7

Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

JEREMIAH 17:17

Nüngü ngei kü nyemshaopü am teleidai; shanghahpü nyih nüngü ngei loishing.

1 PETER 1:18

Ammei bühipa kübü dangpü yangnyu lem kong kübü am angei leipeih shei ammi nyingei nyüke, hatü hayü mahdaihen hon hi ngin homei nevai,

JEREMIAH 10:5

Mükoh chongei ouhiyüh nyemhen nangkü lingpü lajei keiha jomei lajeithü nyüke; hathüi shah ehen neaoknyu. Hathü nekamaokpü nangkü koei dainyüke. Ammi hathü kü tenyem; hathüi mehe tenao nedükaokpih, nevaijü mehe meiyao nedükaokpih.”

JEREMIAH 2:11

Kahvang nevaijao üam jatiyao laophülei kahvang jeipü eela? Shejao ngelei nanglakthüi yahlak neshiüpü lajei kü ngelei müknyinshekhang jeiteitükteke.

ISAIAH 44:10

Üpai Kahvang lingnya, hatü lajei shangnya, hapai büpa nanglei nedanghen.

MENVIH KESHO 86:9

Nüngi lingpü jatthü peü peiyei nüng kü aümei khümhen, Oh Shembüpa, hatü nüngei men müknyinshekhanghen.

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

HABAKKUK 3:19

Shembüpa Kahvang, Shembüpayü ngelei wong; büpai ngelei la shaokei la keiha lingphünyeih, hatü kahshang shaopüthü kü shouphünyeih. Kesho mübü kü ngei nyiamvü kohpü liping noei loknyüpeih.

EZEKIEL 11:16

Hanangkü chemi wüpküpei nyupü Israel am kü Shembüpai hapakei enyüke shei etuh: Ngei jomphong jatthü touei shomtüklangmao hatü kung kahmükei haitüklangmao, shohük shingvaishi jom nyushingei ngeiyü jom nyuishing vaihampeih.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

MENVIH KESHO 62:2

Büpa monha ngelei yaongnyü; ngei yemleipü ngelei penyüsha; ngei nejenlenhen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

JEREMIAH 3:23

Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”

ISAIAH 62:2

Jatthüi ammei daülangshemshepü, hatü ongthüi ammei müknyinshekhang eehen; Amphong kü men ja hük menhen, hapayü Shembüpalei ju kübü vamei menhen.

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

KANDOK 18:10

Shembüpalei menü wong kohpü shangdü; daülangpüthü halei mokei shünyeih hatü yangdainyeih.

MENVIH KESHO 68:31

Ijip leipü mophimo nyemleikei, Ethiopia ami Kahvang kü lanei phophen.

MENVIH KESHO 62:7

Ngei yemleipü hatü ngelei dhümü Kahvang kü mon kohshi nyüpeih; büpa ngelei yaongnyü, ngei loishing.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

MENVIH KESHO 46:1

Kahvangü jen loishing hatü wong, shanghah kü shaangpü shaang sheühbü.

MENVIH KESHO 27:5

Mehenangkü ngei shanghahpü nyih kü büpa nyushingei ngei yangei tuhhen. Büpai büpalei ashakshem mongei ngei joshi tuhhen; büpai ngei yaongshang kü chongwongei tuhhen.

MENVIH KESHO 19:14

Ngelei ju kübü shahthü, hatü ngelei mongdangei phoppü nüng touei yahhübenüng vaihütuh, Oh ngelei yaongnyü hatü ngei angei leipüba.

ROM SHAHSHA APPÜ 1:25

mehenangkü jomi Kahvangei shahhing shahshem mü jeiteinyüke, hatü Lingbü nangjei lingpü douthü kü khümei chongphoteke, den den kü büpa vihtuh! Amen.

1 ONGPATHÜ 20:23

Ben-Hadad ongpalei lakchongbüthüi büpa kü, “Israel amei kahvangthü-ü shangching kahvangthü khih. Hanangkü Israel ami jen kü neüphopü khih. Shejao kahjilei hokjema, hingmei jeni neühen khih.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

JOEL 3:16

Shembüpai Zion Kahshang leipü ngüngnyüke, hatü Jerusalem leipü lennyüke; kahdok vangsho kheünyüke. Shejao Shembüpayü laophülei nanglak loishing, hatü Israel nanglakthü sho joshing vaihen.

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

MENVIH KESHO 18:3

Vihhen shangpü Shembüpa kü ngei nyüknyüpeih, hatü ngei vepathülei lak kübü yangei nyüpeih.

MENVIH KESHO 65:3

Mechem mang douthüi ham neülanghen, nüngi hamei mang tükshihma.

JEREMIAH 10:3

Mehenangkü hathü nanglakthülei vanglemü yahlak neshiü; jomi phaü leipü pü agnyüke, hatü mistrithü peikha noshi ha shangnyüke,

JEREMIAH 14:8

Oh Israel amei Monglem, shanghah hepak kü Yangbü, Mehekei nüngü hapa kahdokei yenthüng kei, ya hük mon paümpü yenpa kei nyudainya?