JEREMIAH 16:12 - DAÜLANGPÜ LAIHING (BSI)

¹² Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

JEREMIAH 16:12 Referans Kwoze

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

JEREMIAH 7:26

shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

CHONGVENBÜ 9:3

Peü kü aihük lashüh-i beannyüke, hatü vanghenyü phangkü vampü peü kü hayü mang. Nyeinya vaishi, peüei mongdang kü mangi maei nyüke; jom yemmü nyupü thahshi jomei mongdang kü ngapüyoipü nyüke, hatü hapheikü jom didaikemnyüke.

MARK 7:21

Mehenangkü shennyakei mongeipü ten deihpü, iyjeiphaileipü, gühpü, jüteipü,

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

SHAHKÜP 29:19

Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

SHAHKÜP 9:27

Nüng chongphobü Abraham, Isak hatü Jakob hathü deih-ei dangtuh. Nanglakthü mong vaanpü, jomei douten hatü jomei mang kü khah-ei kawei teveikei.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

YOUNG LAI 5:7

Hamei bühipai mang thah, shejao shaang jom neshiü, hatü shaang hami jomei mang lat ponghahnyeih.

EZEKIEL 20:30

Hanangkü Shembüpai hapakei enyüke shei Israel am phang kü etuh: Amphongi ambü ampa am kei nyuei am nedaüi leihen hatü jiühitpü douthü dükei lemnyong kü daihen je?

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

MALAKI 3:7

Ambü ampa amei hepak mebü am ngelei shahkungnyü kübü yandaipeih, hatü hathü nedükpeih. Ngei touei mong lepei leikei, hatü ngei am touei lepküshah shei Shembüpa Kahvangi enyüke. Shejao “Ham mekei mong lephen?” shei ammi enyüke.

JEREMIAH 22:28

Hapa Jehoiakinü yaktükpü dükten je? üpaiyao nenapü douten je? Mehekei büpa hatü büpalei hapeüthü jomi nenyingpü kahdokei deishihhen? shei ngei eteke.