JEREMIAH 16:11 - DAÜLANGPÜ LAIHING (BSI)

¹¹ nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.

JEREMIAH 16:11 Referans Kwoze

1 PETER 4:3

Mehenangkü peihdaipü hepak kü amphongi Kung ami dükbenüng dükei, nedaünelangpü ten, iyjeiphaileipü, chokpümokpü, hahngayungpe, yiü yingpü khong kü omei lajeithü kü khümei nyuhampeih.

EZEKIEL 11:21

Shejao üamei mongdang lajeithü hatü jiühitbenüng douthü kü shuohtük, jomi dükpü jomei shangjing kü kohühen shei Jeiyong Shembüpai enyüke.

JEREMIAH 22:9

hatü hapa kü jangpeyü, “Mehenangkü jomi Shembüpa, jomei Kahvang mü vangpüshuwpü mangtüktü lebü kahvangthü kü khümei chongphopü nangkü ha vampüja” shei ehen.

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

1 ONGPATHÜ 9:9

Shennyakthüi jangei, “Mehenangkü jomi Shembüpa jomei Kahvang, üpai jomei chebü chepa Ijip leipü müei leipa, ha yakphongtü lebü kahvangthü kü shongtü hapa kü khümei chongphopü nangkü Shembüpai jom kü hapa shanghah vongshüh yahshuohpü khih” shei ehen.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

2 SHÜPPÜKENGPÜ 7:22

Hahepak kü jomi-üng, “Jom Ijip kahdok leipü müei leipü Shembüpa chebü chepalei Kahvang yakphongtü lebü kahvangthü yah-ei hapa chongphoei khümpü nangkü büpai hapa shanghah vongshüh peü shuohpüja” shei eteihen.

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

MALAKI 3:7

Ambü ampa amei hepak mebü am ngelei shahkungnyü kübü yandaipeih, hatü hathü nedükpeih. Ngei touei mong lepei leikei, hatü ngei am touei lepküshah shei Shembüpa Kahvangi enyüke. Shejao “Ham mekei mong lephen?” shei ammi enyüke.

SHAHPHENBÜTHÜ 2:11

Hahepak kü Israel ami Shembüpa touei mang thah, hatü Baal kahvang chongphoteke.

JEREMIAH 13:22

‘Henüng dou ngei kü mehekei vamnya?’ shei nüngi nüngei mongei ejema, nüngei mang ahshi longpü nangkü nüngei ashakao shaakshi nüng kü douten dükpeih.

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

YOUNG LAI 5:7

Hamei bühipai mang thah, shejao shaang jom neshiü, hatü shaang hami jomei mang lat ponghahnyeih.