JEREMIAH 16:10 - DAÜLANGPÜ LAIHING (BSI)

¹⁰ Mechem nüngi hathü shah hapa nanglakthü kü eshuohhen, jomi nüng kü, “Mehekei Shembüpai ham khüei hajük longpü shanghah shuohpa? Hami mehe mang dükpa? Shembüpa, hamei Kahvang khüei mehe mang hami thahpa?” shei ephüjema,

JEREMIAH 16:10 Referans Kwoze

JEREMIAH 5:19

Mechem ammei nanglakthüi, “Mehekei Shembüpa, jenei Kahvangi jen kü hathü dou dükphünya?” shei ehen; ha kü ammi, “Ammi ngei yakphongtü ammei kahdokei kung amei kahvang chongphopü nangkü hapa kahdokei ammi nenyingpü kung am chongphohen” shei etuh.

JEREMIAH 13:22

‘Henüng dou ngei kü mehekei vamnya?’ shei nüngi nüngei mongei ejema, nüngei mang ahshi longpü nangkü nüngei ashakao shaakshi nüng kü douten dükpeih.

HOSEA 12:8

Ephraim ami changmeiyei, “Oh hamü shemmei, nükhinyiam longi nyüpeih. Hami shahhing ne-epü mophimo dangpeih; üpaiyao ham kü eelahen mang nedangpih” shei enyüke.

JEREMIAH 2:35

“Ngei mang neshiüpih; büpai ngei kü mongneshihnyih” shei nüngi enyüke. “Ngei mang neshiüpih” shei epü nangkü shaang ngei nüng shahphenshingei deihen.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 2:23

“Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.