JEREMIAH 15:7 - DAÜLANGPÜ LAIHING (BSI)

⁷ Ngei hapa kahdok chingnyü penyüshalei om noshi jom shaaptükhen. Jomei lemthü neyeiyapü nangkü dipü, hatü mahpüchahpü koei peihen.

JEREMIAH 15:7 Referans Kwoze

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

JEREMIAH 51:2

Ngei Babylon kahdokei jom shaapei yaktükhen, hatü lavüngtoiyei leihühen shingvaishi kung am shomhen; pinnyü shanghahpü nyih lem peü phikü pinnyü khüei yaonghen.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

JEREMIAH 18:21

Hanangkü jomei hapeüthü münghishaü kü yah-eishuoh; vepalei yan kü lanei yah-eishuoh. Jomei nyühathü hapeü neshiüi nyülan hatü vaümnyü leihütuh. Jomei bahathü jütükkemtuh, jomei nethethü vehok kü yani mahkemhütuh.

MENVIH KESHO 1:4

Shejao nemeipü shennyakthüyü hapakei nevai; jomphongü vanglüki piyei deilangpü hahbhang keiha nyüke.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

EZEKIEL 24:25

Hatü nüng, shennyak ha, mechem ngei jomi wong dangpü, jomei mongong hatü jomei müknyinshekhang, jomei mük kü meipü, hatü jomei mongi lümpü phopshem hatü jomei hapeüthü yah-ei lüdaihenshang,

SHAHKÜP 28:41

Ammi hapeüthü longi anghen shejao am mü nenyuaokhen; mehenangkü jom peü wüpei küplanghen.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

JEREMIAH 9:21

Dipü jenei ümha shadenei peiteke; hapa jenei ongshemei shüteke; hapai chingyangshong leipü hashihthü jütükhen, bhei leihshing leipü nethethü mahtükhen.

SHAHKÜP 28:32

Ammi veishi ammei hapeüthü mih kung shennyak kü aa vaishi shuohtükhen, hatü mükyang yungshi nyihjeih jom leikahen shei om veihen.

SHAHKÜP 28:18

Shembüpai am kü hühiha neshuoh-i, kahdok kü hahying nevamhüi, hatü yemhimak mohoh hatü mi neshuoh-i thaüvaüphahen.

EZEKIEL 36:12

Ngei ngelei Israel nanglakthü nüng touei müei leikahen, hatü jomi nüngü jomei mükjüp vailanghen. Nüngi hajük kü jomei hühihathü aeiyeileyei netuhhen.

ISAIAH 9:12

Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.