Biblia Todo Logo
Bib sou entènèt

- Piblisite -




JEREMIAH 15:6 - DAÜLANGPÜ LAIHING (BSI)

6 Ami ngei yaktükpeih” shei Shembüpai enyüke. Ammi mang thah-ei mon nyunyüke. Hanangkü ngei am kü lak shihhen hatü mahtükhen; Ngei hajük kü neshinshangpih.

Gade chapit la Kopi




JEREMIAH 15:6
28 Referans Kwoze  

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.


Ngei Judah hatü Jerusalemei nyupüthü khüei ngelei lak nohen; Ngei halei Baal kahvang kü khümteipü douhinang aopüthü peü mangtükhen, hatü lajei khümpü ngongpathülei men katitükhen.


Shejao jomi ha kü mong neshuoh; ngaümphei lepdai hatü dhaong neno.


Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.


Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.


Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.


ngei ngelei lak am khüei nohen, hatü jatthüi ammei mophimo aetlanghen lanei shuohhen. Ngei jatthü khong kübü am katitükhen hatü kahmükthü khong kübü am dohtükhen. Ngei am mahtükhen hatü ammi ngeiyü Shembüpa khih shei nyinghen.”


Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.


Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.


Büpai nüng müyaki nüngi Shembüpa, nüngei Kahvang yakphongpü nangkü laophü nyingi koei leihahpü nevaipü je?


Jomei mang homei ngei yakphongpü nangkü ngei jom khüei shahphenhen; jomi lebü kahvangthü kü moila shuoh-ei jomei laki linghahpü lajeithü kü khümteke.


Israel nanglakthüyü mohoh cheha kei mong vaannyüke; shejema mekei etü Shembüpai mi chehathü kü kei shingkow kü het ühhenang?


Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.


“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.


Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.


Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.


Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.


Hanangkü jom shingvaishi Shembüpalei shah-ü, “Dük khan dük, dük khan dük; shahkung kü shahkung, shahkung kü shahkung; hatouei maani, antolei maani” shei nyuhen. Hanangkü jom daiyei dohen, ma yahhen, vepalei lak kü shühen, hatü khoklatei küphen.


Ijip amü shennyak, Kahvang nevai; jomei koyeithüyü phai, laangha nevai. Mechem Shembüpai büpalei lak nohenshang, sheühbüao huluh shuohhen, hatü sheühhahpüthüao dohen, hatü jom peü chemi mahhen.


Jomei shemthü, kah hatü nyühathü peü mih-ei vaidaihen; Mehenangkü hapa kahdokei nyupüthü khüei ngelei lak haonghen shei Shembüpai enyüke.


Nüngi hathü nanglak shingvaishi tephop, telen, nevaijü ngei kü teyü; mehenangkü ngei nüng kü nejangpih.


Shembüpalei shah yaktükpü nangkü nahpüthü veühühen; jom longi mongmanghen hatü tai kü manhen. Jomi ngelei shahthü yaktük, shaang jomi mehe kon dangpa?


hatü Shembüpa Kahvangi hapakei enyüke shei teteivanei etuh: Edom am, ngeiyü nüng khüei nyüpeih, ngei am lavüngtoiyei leitükhem ngelei lak nohen,


Hapheikü ngei behe hashih peü aihük mü dük keiha hüki hük mü kaongteihühen. Ngei hathü mahtükshingkü nephahjihen, neyanghen nevaijü neshinshanghen shei Shembüpai enyüke.


Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.


Swiv nou:

Piblisite


Piblisite