JEREMIAH 15:2 - DAÜLANGPÜ LAIHING (BSI)

² Hatü jomi, “Ham melei daihen?” shei phephüjü nüngi hathü kü, “Shembüpai hapakei enyüke” shei etuh: “Dihen demtüktü nyupüthü dikemtuh; Yani mahhen demtükpüthü yani mahtuh; Münghishaü-i dihen demtükpüthü münghishaü-i dikemtuh; Wüpküpei daihen demtükpüthü wüpküpei daituh.”

JEREMIAH 15:2 Referans Kwoze

JEREMIAH 43:11

Büpai peiyei Ijip hahhen, dihen demtükpüthü dihen, wüpküpei daihen demtükpüthü wüpküpei daihen, mahhen demtükpüthü mahhen.

ZEKHARIAH 11:9

Hanangkü ngei mi khong kü eteke, “Ngei hajük kü am yombü nevaipih; mehe dihen nyu, dituh; mehe mahhen nyu, mahtuh, hatü aopüthüi hüki hükei phai hahtuh!”

SHAKEI VAMPÜ 13:10

“Am wüpküpei daihen mü nyujema wüpküpei daituh; üam yani mahhen mü nyu, yani mahtuh.” Hapayü daülangpüthüi munenhen hatü hinglemhen nangkü thongpü nyüke.

EZEKIEL 5:2

Mechem chingnyü shümpü dohhenshang, hapa phaihan jem kü hük yah-ei chingnyü mongei jaktuh. Shao aopü kübü phaihan hük yah-ei nüngi chingnyü haolei deiyei dehtuh. Aopü phaihan hük yah-ei vanglük kü domeishuoh, hatü ngei ha pheikü yan noshi changhen.

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

ISAIAH 24:18

Nyem shaopü amei ngeü kü nyemei üami nyainya, kahshalei vühen, hatü üami kahsha leipü bakei aonghen, tai kü manhen. Mehenangkü vangsho shadenthü apei nyüke, hatü kahdoknyü chongnyiam shing kheünyüke.

AMOS 5:19

Hapa nyih-ü shennyak hük mailang kübü mokei daiyei sheptao pongpükei, nevaijü shemei leiyei bham kü laki shongshingkü biüikaokpükei nyukahen.

DANIEL 9:12

Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

EZEKIEL 14:21

Mehenangkü Shembüpa Kahvangi hapakei enyüke: Ngei Jerusalem khüei dibenüng shahphenpü yanlu, shaühile, phaüyemthü hatü chamhilem haleipü shennyak hatü yemhimakthü jütükhen shingvaishi shomjü meshük mangpüba nyukahen!

JEREMIAH 14:16

hatü jomi teteivanei eshuohpü shennyakthüao yan hatü münghishaü homei mahhen hatü Jerusalem chingyangshongei yakeichingei nyuhen; jom, jomei shembünyüthü, hatü hapeüthülei mahng vühen üpayao nenyuhen. Jomei mangi shangpükei ngei jom kü shemhen.”

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

JEREMIAH 19:7

Hapa shingei ngei Judah hatü Jerusalem amei küpjanthü mangtükhen. Ngei jomei vepathülei yani mahhühen; jom jühen yempüthülei lak kü shuohhen, hatü ngei jomei mahmahng asha alang hatü yemhimakthülei phai leitükhen.

EZEKIEL 12:11

“Ngeiyü am shingvaishi lappü hük nyüpeih: Ngei dükei hupü keiha hathü kao hapakei dükhen; jomü wüpküpei daihen” shei etuh,

EZEKIEL 33:27

Shembüpa Kahvangi hapakei enyüke shei hathü kü etuh: Ngeiyü vanyangyem Kahvang, lavüngtoiyei yakphongpü shingthülei nyupüthü yani mahhen, hatü üam koshoyalei nyu, hathü phaüyemthüi hahtükhen, hatü üam kahshang hatü yaongshathülei joshi nyu, chami dikemhen.

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.