JEREMIAH 15:15 - DAÜLANGPÜ LAIHING (BSI)

¹⁵ Nüngi nyingei nyüpeih, Oh Shembüpa, ngei deih-ei dangtuh hatü ngei kü thümshih; hatü ngei kü shüveipüthü kü bhüh yemtuh. Nüng nenteiaokpai ngei yah-ei tedeitük; Nüng nangkü ngei meshük ne-ienelem ponghahpa deihtuh.

JEREMIAH 15:15 Referans Kwoze

JEREMIAH 12:3

Shejao Oh Shembüpa, nüngi ngei nyingnyeih; Nüngi ngei kü veishih, hatü doktuh– ngelei mongdang nüng mü nyüpeih. Jühen mithü kei jom shüei ngaituh, hatü jühen nyih shingvaishi hayaoha khaatei tuhtuh.

LUK SHAHSHA APPÜ 21:17

Ngelei men kü peüi amphong kü jiühitphahen.

JEREMIAH 20:12

Oh Jeiyong Shembüpa, nüngi daülangpüthü kü doknyeih, hatü mongdang sholi dokei veinyüpeih. Nüngi jom kü bhüh yempü kü ngei veishah; mehenangkü ngelei nang nüng kü shuohtüktih.

JEREMIAH 17:16

Nüngei mi yombü vaipü kübü ngei paüei nelüdai; ngei shanghahpü nyih nelümnyih shei nüngi nyangei nyüke. Ngelei juben kübü mehe vamei enya hayü nüng touei ngaihe-i nyüke.

NEHEMIAH 13:22

hatü Sabbath nyih daülangi tuhhen nangkü Levi am jom nyingi daütüktü shaden yomhen ngeükhüam shuoh. Hayao deih-ei dangtuh, Oh ngelei Kahvang, hatü nüngi bampü shangshi ngei yangei tuhshih.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

JEREMIAH 20:8

Mechem ngei shah ehen “Dehilao!” “Jüteishangtei!” shei mon ehen mü vamnyüke. Hanangkü helushoei Shembüpalei shah-i ngei kü yaüpülungpü, hatü naamshah mon koei peikünyüke.

MENVIH KESHO 119:84

Nüngei chongphobü meshük lushi nenaokhen? Ngei kü shüveipüthü kü nüngi mechem shahphenhen?

MENVIH KESHO 106:4

Mechem nüngi nüngei nanglak kü bampü huhen, ngei deih-ei dangtuh, Oh Shembüpa; jom yangshingkü ngei kü sheühhen deihhahte.

NEHEMIAH 5:19

Ngei nanglakthü shingvaishi hathü peü dükpü kü ngei kü phahjiei deihte, Oh ngelei Kahvang.

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

SHAKEI VAMPÜ 6:10

Jomphongi ngeüwong anei, “Jeiyong Shembüpa, daülangpü hatü hingshangpü, kahdoknyülei nyupüthü kü hamei iy nangkü nüngi shahphenhen hatü bhüh yemhen shekü meshük lushi nyuhen?” shei lenteke.

2 TIMOTI 4:14

Nyiam shükbü Alexanderi ngei kü longi nemei-i dükphopeih. Büpai mehe dük, hapa kü Shembüpai shemshuohhen.

2 KORINT 5:11

Hanangkü Shembüpa kü nyemhenü mehe ha hami nyingei mih yawhhen khenyeih. Ham meheshang ha Kahvangi nyingdai, hatü ammei mongeiyao ham nyingei shiühen shei ngei monglemnyeih.

ROM SHAHSHA APPÜ 12:19

Ngelei küphüthü, am nyingi bhüh teyem, shejao Kahvang mongshihpü kü shing tuhphongtuh; mehenangkü ha nyangei nyüke, “Bhüh yempeyü ngelei; ngei ha kü shemhen shei Shembüpai enyüke.”

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

JEREMIAH 15:10

Onyükei! Mehekei onyüi ngei hapa kahdoknyü kü büh-ei tuhphongpa? Kahdok kü nyupüthü peü mü dehen, shah dakteihen mü vamteke. Ngei mih kü lop nelushuoh, nevaijü ngei luhahpüyao neshiüpih, shejao peüi ngei kü thaüvaünyüke.

ISAIAH 38:3

“Oh Shembüpa, ngei nüng touei monghahshi, mongdang kempai hinglemei hatü nüng touei mehe mei, ha dükei kampü deih-ei dangtuh” shei phopei e, hatü Hezekiah-i shahyaki thep.

MENVIH KESHO 102:24

“Oh ngelei Kahvang, ngelei yangnyu tavanshem kü neyahlang, nüngü hüdenhalenshi nyunyeih” shei ngei eteke.

MENVIH KESHO 39:13

Ngei chem mongongshi nyunüng ngei lüdai shekü hatü neshiüi leidai shekü nüng chem ngei toueipü yaakdaishih.

MENVIH KESHO 17:3

Nüngi ngelei mongdang dokei veijü, nüngi yanüng ngei dokei veijao nüngi mehe tenao nedangpih; ngelei jui mang nethahnyih.

JOB SHAHSHA APPÜ 10:7

Ngei pungei neshiü shei nüngi nyingei nyüke, hatü nüngei lak kübü üpaiyao ngei neyangaokpih shei nüngi nyingei nyüke.

NEHEMIAH 13:31

hatü ngei pü moila hatü shongpü betjük moila koei peihen hepak itei shuohpeih. Bampai ngei deih-ei dangtuh, Oh ngelei Kahvang.

NEHEMIAH 6:14

Oh ngelei Kahvang, Tobiah hatü Sanballat nyi-i dükpü dou shangshi, hatü thibülanyü Noadiah hatü ngei kü nyem shaopü thibüthü deih-ei dangtuh.

ROM SHAHSHA APPÜ 8:35

Khristai bampü kübü üpai jen yantükhen? Hapayü ponghahpü nevaijü shangpong, nevaijü shüveidoidei, nevaijü shaühile, nevaijü bümkong nyupai, nevaijü vongshüh nevaijü vehoki hiang?

SHAHPHENBÜTHÜ 16:28

Hahepak kü Samsoni Shembüpa kü, “Oh Jeiyong Shembüpa, ngei deih-ei dangtuh. Oh Kahvang, chingmeilemlingei ngei kü shao chem wong yahshih; ngelei mük nyiphen luktükpü nangkü ngei shao chem Philistia am kü bhüh yemshah” shei phop.

MENVIH KESHO 44:22

Shejao nüng tata kü helushoei ham jütüknyüke; hamü jühen deipü mithü kei nyüke.

JEREMIAH 15:20

Ngei nüngü hathü nanglak shingvaishi bham hük, melangnyiami showtükpü bham leihühen. Jomi nüng khüei hokhen, shejao nüng kü neneüpih, mehenangkü ngei nüng mü nyüpeih, hatü nüng yanghen shei Shembüpai enyüke.

JEREMIAH 20:11

Shejao Shembüpayü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.

JEREMIAH 18:23

Shejao nüng, Oh Shembüpa, Ngei jühen jomi lingpü kon nyingei nyüke, nüng toueipü jomei mang tethittük. Nüng toueipü jom noei yaktüktuh; nüng mongshih hepak küang jom kü dou dükeishuoh.

YOUNG LAI 3:64

Jomei doui shangpükei, jomei lakdou aimü yah-eishuoh, Oh Shembüpa.

YOUNG LAI 3:66

Mongshih-ei jom kü changtuh, hatü kahdok shak kübü jom thittüktuh.