JEREMIAH 15:11 - DAÜLANGPÜ LAIHING (BSI)

¹¹ Shembüpai eteke: Hingmei ngei nüngü mükhong meipü shingvaishi yanghen; hingmei ngei nüngei vepathü vongshüh pongpü hatü shanghahpü hepak kü nüngi phopshuohhen.

JEREMIAH 15:11 Referans Kwoze

KANDOK 16:7

Mechem shennyak hükei lemthüi Shembüpa mongmeihühen, büpai laophülei vepa-ao chingmei kü tuhnyeih.

MENVIH KESHO 106:46

Jom yepei deipü ami jom kü shinshanghen mü büpai leihüpeih.

JEREMIAH 37:3

Zedekiah ongpai Jeremiah touei hapa shahjang koei Shelemiahlei cheha Jehukal mü Maaseiahlei cheha Zephaniah ngongpa shom: “Hamphong shing chingmeilemlingei Shembüpa, jenei Kahvang kü phopshih.”

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

JEREMIAH 42:2

Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

JEREMIAH 21:2

“Chingmeilemlingei hamei men kü Shembüpa kü phekütuh; mehenangkü Babylon ongpa Nebukadnezzari ham khüei vehok pangkünyüke. Üpai nying, Shembüpai peihdaipü hepak kü dükpükei, shaangao yashanyale dou dükjü büpa ham toueipü leidaiphahen aokpeih” shei e.

KANDOK 21:1

Ongpa hükei mongdangü Shembüpalei lakmongei nyüke; yungyen hük büpai mongpü lemei shanshihpükei mülangnyüke.

MENVIH KESHO 138:3

Ngei nüng kü nyükpü nyih nüngi ngei kü jang, nüngi ngelei laangha wong kohhü.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

JEREMIAH 37:17

Hapheikü Zedekiah ongpai büpa yahnüng deishih-ei ongshemei müei lei, hatü ongpai joei büpa kü, “SHEMBÜPAleipü peipü shah meheyao nyüla?” shei phe. Jeremiah-i “Nyüpeih!” shei e. Hahepak kü büpai, “Nüngü Babylon ongpa kü shuohtükhen” shei e.

JEREMIAH 38:14

Hapheikü Zedekiah ongpai Jeremiah thibü nyüknüng deishih-ei phopshem kü jempabü shaden touei müei leitü ongpai Jeremiah kü, “Ngei nüng kü lemhük phehen hih; nüngi ngei kü meheyao tejolang” shei e.