JEREMIAH 14:9 - DAÜLANGPÜ LAIHING (BSI)

⁹ Mehekei nüngü ü-athamapü shennyak kei, veshan hük yanghen neaoki wong kemdaipükei nyunya? Nüngü ham mü nyüpeih, Oh Shembüpa, hamü nüngei nanglakthü, nüngi ham tetuhphong.

JEREMIAH 14:9 Referans Kwoze

ISAIAH 63:19

Aivang den mebü hamü nüngei nanglak nyuhampeih; shejao luangi nüngi vanglem nelempü nanglakthü keiha, hatü nüngei men kü nenyükpü shennyakthü kei nyupeih.”

ISAIAH 59:1

Hingmei, am yanghen shingvaishi Shembüpalei lak shohloh-i neshiü, nevaijü danhen büpalei dhaong hüei neshiü.

JEREMIAH 15:16

Ngei nüngei shah dangei ngei ha hahpeih, hatü nüngei shahthü ngelei mongkü mongongbenüng leiteke; Mehenangkü ngei kü nüngei men menteke, Oh Shembüpa, Jeiyong Kahvang.

MENVIH KESHO 46:5

Kahvangü hapa chingnyü jiamei nyüke, hapa nejenlenhen. Nepnüng dhom mü Kahvangi pinnyü kü sheühhen.

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

ISAIAH 51:9

Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

MENVIH KESHO 27:9

Ngei toueipü nüngei dhe telepdai. Nüng mongshihpai nüngei chongphobü nyokei teleishih; Nüngü ngelei sheühbü nyuhampeih. Nüngi ngei teyaktük, nevaijü tetuhphong Oh Shembüpa, ngei Yemleipü.

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

SHAHKÜP 23:14

Ammei baümtap daülangi tuhtuh; mehenangkü Shembüpa, ammei Kahvangi am yomhen hatü yanghen hatü vepathü ammei lak kü shuohhen shingvaishi am mü nyüke. Shembüpai am toueipü dok lepdaihen mü nebahnevaipü dou meheyao ammi tedük.

PHONGSHANTHÜ DOU 15:17

shejüang lebü shennyakthü peüi Shembüpa yemhen, hatü ngelei men kü nyükpü Kung am peü. Hathü douthü dükpü Shembüpai enyüke;

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

HABAKKUK 1:2

Oh Shembüpa, meshükpa ngei nüng kü sheühpü yüei lenhenang? hatü nüngi ha nedani nyuhenang? Nevaijü “dehilao nyüke” shei nüng kü nyükpeih, shejao nüngi neyanglang.

SHAHKÜP 28:10

Shejüang kahdoknyü kübü hangkuli peüi Shembüpai amphong büpalei nanglak vaihen jepü khih shei veihen hatü jomi amphong kü nyemhen.

2 SHÜPPÜKENGPÜ 7:14

ngelei men kü nyükpü ngelei nanglakthüi maanpü leiyei phopei ngelei dhe yemjema, hatü nemeipü lem kübü mong lepjema, ngei vangsho leipü ha danei jomei mang tükhen hatü jomei kahdok meihühen.

MENVIH KESHO 10:1

Oh Shembüpa, mehekei nüng ngei toueipü taishi lüdainya? Shanghahpü nyih kü mehekei nüng jodainya?

ISAIAH 43:7

ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

JEREMIAH 51:5

Israel am Daülangpü Hük touei jomei kahdokü mangi maei nyujao, Jomei Kahvang, Jeiyong Shembüpai Israel, hatü Judah am nebetükangpih.

YOUNG LAI 5:20

Mehekei nüngi chemjalak kü ham betükpa? Mehekei nüngi nyih luangi ham yakphongpa?

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.