JEREMIAH 14:7 - DAÜLANGPÜ LAIHING (BSI)

⁷ Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

JEREMIAH 14:7 Referans Kwoze

HOSEA 5:5

Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.

MENVIH KESHO 25:11

Ngelei mang ahshi longshi nyujao nüngei men kü ngelei mang tükshih, Oh Shembüpa.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

ISAIAH 59:12

Mehenangkü nüng touei hamei mang longi, hatü hamei mangi ham khüei denpü shuohnyüke. Hamei mangü ham mü nyüke, hatü hami hamei mang nyingnyüke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

EPHESIA 1:12

Shejüang jenphong üam Khrista kü shongei monglemhen nyüpa, büpalei müknyinshekhang kü vihei jen nyuhen.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.

EZEKIEL 20:22

Shejao ngei ngelei lak shounglangpeih, hatü ngelei men kü, hatü jatthüi eeshi ngelei men netenhen, hatü jomi eeshi ngei jom müei leilangpü nangkü ngei ha nedükpeih.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

MENVIH KESHO 115:1

Ham kü nevai, Oh Shembüpa, ham kü nevai, shejao nüngi bampü, hatü shahhing epü nüngei men müknyinshekhangtuh.

EZRA 9:15

Oh Shembüpa, Israel Kahvang, nüngü shahhing! Shinnyih nüngi ham yangei tuhteke. Hamei mang nüng kü lahnyüpeih; ham nüng touei peihen jiüpü neshiüpih” shei phopei e.

JOSHUA 7:9

Kanan am hatü lebü kahmükthü kübü shennyakthüi hapa jung danlanghen, hatü jomi ham shonlanghen hatü hamei men kahdoknyü kübü thittükhen khih. Nüngei men longpü nyuhen shingvaishi nüngi mehe dükhenang?” shei e.

SHAHKÜP 32:27

Shejao jomei vepathüi pungei, “Hamei laki jom neütükpeih, Shembüpai hathü nedükangpih” shei changmeihen khih shei ngei yingei deihküpeih.

JEREMIAH 8:14

Jen mehekei nenmü uoshi nyuhen? chemi thaishah hatü penyü showtükpü chingei aongei halei didaishah; Mehenangkü Shembüpa, jenei Kahvangi jen kü mahhen hanteke, hatü leü nemeipü kohpü yung yinghen shuohteke, mehenangkü jeni Shembüpa khüei mang thahteke.

MENVIH KESHO 79:9

Sheühshih, Oh ham yemleipü Kahvang, nüngei men müknyinshekhangpü men kü nüngi ham yangshih, hatü mang tükshih.

ISAIAH 48:11

Ngei ngelei men kü ha düknyüpeih, mehekei ngelei men tentükhen? Ngelei müknyinshekhang ngei lebü kü neshuohhen.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

JEREMIAH 8:5

Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.

AMOS 7:2

Mechem jomi kahdok kübü phenha cha-ei hahtüki eepa, ngei eteke, “Jeiyong Shembüpa, mang tükshih! Mekei etü Jakob yemmü nyuaokhen? Jomü ahshi-üng maanpü am nyüke!”

JEREMIAH 5:25

Ammei mangi hathü keütükpeih, hatü ammei mangi meipü nedangi leitükpeih.

JEREMIAH 10:19

Nemei-i ma yahpü nangkü ngeiyü onyükei! Ngelei makaw nemei-ükhih! Shejao ngei ngei nyingi, “Hapayü ngelei hanghi, ngei ha nenhen khih” shei eteke.

MIKA 7:9

Shembüpai mongshih anpü ngei kohen; mehenangkü ngei büpa khüei mang thahteke, büpai ngei shing chingmeilemlingei dah shakei mangling thahshi ngei munenhen. Büpai ngei vangngai touei mühen, hatü büpa yemleipü ngei eehen.