JEREMIAH 14:22 - DAÜLANGPÜ LAIHING (BSI)

²² Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

JEREMIAH 14:22 Referans Kwoze

JOEL 2:23

Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

JEREMIAH 5:24

Jomi jomei mongkü, “Jeni Shembüpa, jenei Kahvang kü nyemshah, büpai jen kü dühü ieyei kü vang shomnyeih; Ünyü hatü lem hepak kü vang shuohnyeih; hatü hah vethen hepak itei shuohnyeih.

MENVIH KESHO 135:7

Kahdok jung leipü phum vamhüpeyü büpa hih; büpai vang shing klang lingnyeih, hatü büpai tuhshing leipü vanglük vamhünyeih.

ISAIAH 30:23

Ammi kahdokei haipü sheili shingvaishi büpai vang shomphahen, hatü kahdok kübü vampü hahyingi am shemmei leiyei changshi nyuhen. Hapa nyih ammei mohohthüi koshoya kü phenhani changshi hahhen.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

JEREMIAH 51:16

Mechem büpai vangmuk khunghen, vangsho leipü yungthü ngüngnyüpeih; Büpai kahdoknyü dohpü leipü phumthü vamhünyeih. Büpai vang mü klang shomnyeih, hatü büpai tuhshing leipü vanglük shomnyeih.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

ISAIAH 41:29

Hathü kahvangthü peü yahlak neshiü; jomei douthüao kong, jomei lajeithü wong neshiü hatü kong khih.

MENVIH KESHO 130:5

Ngei Shembüpa omdannyeih; ngelei laanghai omdannyeih, hatü büpalei shah kü ngei monglemnyeih;

MENVIH KESHO 25:21

Shahhing hatü kangshangpai ngei yangeituhshih; mehenangkü ngei nüng kü hinglemnyeih.

1 ONGPATHÜ 17:14

Mehenangkü Shembüpa, Israel Kahvangi, ‘Shembüpai kahdok kü vang nyipabü mangkeihü thahshi hapa aandük kübü aan nekemhen, hatü hapa mainga shong kübü mainga nekemdaipih’ shei ephopeih” shei e.

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

SHAHKÜP 28:12

Shembüpai vangsho aptü tuhshingei tuhpü vang hepak vangpan jiüshi keiphahen hatü ammei lakdou peü kü moihimanphahen. Ammi mih jatthü kü lushuohhen, shejao ammi mih jat leipü nelunelakhen.

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

AMOS 4:7

Hah vethen len jem nyushi ngei vang nekeihüi shonglang, ngei chingnyü hük kü vang keihü, shejao hükpa kü nekeihü; kah hük kü vang keihü, shejao hük kü nekeihüi vantükteke.

JEREMIAH 10:13

Mechem büpai vangmuk khunghen, vangsho leipü yung vaünyeih; büpai kahdok dohpü jung phileipü phum vamhünyeih. Büpai vang mü klang shomnyeih, hatü büpai tuhshing leipü vanglük ngainyüpeih.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

MENVIH KESHO 147:8

Büpai vangshothü kü phumi jümhünyeih, Kahdoknyü shing vang temnyeih, hatü shangtaothü kü thüng kohhünyeih.

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

MENVIH KESHO 25:3

Nüng kü monglemei omdanpüthü teveühü, shejao lanei neshuohpüthü veühütuh.

JOB SHAHSHA APPÜ 5:10

Büpai kahdok kü vang shomnyüke; büpai kahthü kü yung shomnyüke.

1 ONGPATHÜ 18:1

Hepak longi daipheikü, vang nekeipü vangbong jempabü kü Shembüpalei shah Elijah touei pei: “Daituh hatü nüng Ahab ongpa touei peituh, hatü ngei vang keihühen” shei e.

1 ONGPATHÜ 8:36

nüngi vangsho leipü ha bangtuh, hatü nüngei Israel nanglakthülei mang tükeishuoh. Jom kü yangnyu nyuhen jiüshangpü lem hueishuoh, hatü nüngi nüngei nanglakthü kü mükjüp shuohpü kahdok kü vang shomtuh.

MATHI 5:45

shejüang amphongü vangsholei nyupü Palei hapeüthü vaihen; mehenangkü büpai nemeipüthü hatü meipüthü kao aihük mü vanghenyü aonghünyeih, daülangpüthü hatü nedaünelangpüthü kao vang keihünyeih.

JEREMIAH 5:12

Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

JEREMIAH 10:3

Mehenangkü hathü nanglakthülei vanglemü yahlak neshiü; jomi phaü leipü pü agnyüke, hatü mistrithü peikha noshi ha shangnyüke,

HOSEA 2:7

Pinnyüi maithü changei daihen, shejao phei nethahhen, hatü jomphong yemhen shejao nedanghen. Hahepak kü pinnyüi ehen, “Ngei ngelei shongpü baha touei nyokei leishah; mehenangkü shaangpü laphen meyü sheleipü-üng meipü khih.”

JOB SHAHSHA APPÜ 28:26

mechem büpai vang shingvaishi shahkung lingpa, hatü vangmuk vangteng kü lem lingpa;

JEREMIAH 10:12

Shejao Kahvangi büpalei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

MIKA 5:6

Jomi Assyria kahdok yanlui, hatü Nimrodei kahdok kü yanlu haongtü vanglem lemhen. Mechem jom jenei viong thahshi peihenshang, büpai jen Assyria am lak kübü yanghen.