JEREMIAH 14:2 - DAÜLANGPÜ LAIHING (BSI)

² “Judah-i mahng thepnyüke, hatü jomei chingnyüthü wong kemdaiteke. Jomphongü dhe magdaitü kahdokei lemshi nyüke, hatü Jerusalem am theppü shangei aongnyüke.

JEREMIAH 14:2 Referans Kwoze

ISAIAH 3:26

Zion penyüshathü mahng thephen, hatü younghen; hapa chingnyü-ü bümkong nehahneyingi kahdokei uoshi nyuhen.

JEREMIAH 8:21

Ngelei nanglakthü ngümtükpü nangkü ngeiyao ngümtükteke. Ngei thep, hatü mongshangi ngei shonglangteke.

1 SAMUEL 5:12

Nedipüthüao büm daoeipoukei tüng, hatü chingnyü kü theppüyoungpü vang mü vüngshi aong.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JOEL 2:6

Jom eejü jatthüi nyemnyüke; hathü dhe shodainyüke.

JOEL 1:10

Kahthü mangdai, kahdok vandai; hah peü mangtük, yiü ja üdai, hatü olive püthü kaudaikem.

HOSEA 4:3

Hanangkü kahdok vandainyüke, hatü halei nyupüthü peü didainyüke. Yemhimakthü, shangouthü hatü yungching leipü nyahthü peü didainyüke.

YOUNG LAI 5:10

Ahshi mangshi aeipü nangkü hangshuwao dükshong kei nyakdaiteke.

YOUNG LAI 2:9

Pinnyülei pe shaden kahmongei shüdaiteke; jomei nyiam pe khih mü nihdaiteke. Pinnyülei longhiongthü peü wüpküpei daiyei lebü jatthü chi kü nyüke. Hajük kü shahkungnyü nenyuhneven; thibüthüi sheyü SHEMBÜPAleipü manghkhang ne-eehen.

JEREMIAH 18:22

Mechem nüngi jom khüei ngangahük kü vepathü müei peihenshang, jomei shemthü kübü mahngeü danhütuh. Mehenangkü jomi ngei yephen kahsha shoteke, hatü ngelei la kü tai haenteke.

JEREMIAH 12:4

Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.

JEREMIAH 4:28

Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

ISAIAH 33:9

Kahdok vandai, hatü lavüngtoiyei leidai, Lebanonü veüshi vandaiteke. Sharonü bhih kahdok leidai, Bashan hatü Karmel Kahshang kübü phenlakvungpha peü kaongdaiteke.

ISAIAH 24:7

Yiüao vandai, nyalingngupaiyao üdai, mongongpü mongdang peü mongmangdaiteke.

ISAIAH 24:4

Kahdok vandaihen, hatü kaudaihen; kahdoknyü kemei üei vanei kahdok mü vangshothüao üdaihen.

ISAIAH 15:5

Ngelei mong Moab nangkü thepnyeih; haleipü shennyakthü Zoar, hatü Eglath-Shelishiyah thahshi nyaidaiteke. Jomphong thepyaki Luhith lemei, hatü jom lomohpü nangkü mahng thepyaki, Horonaim lemei aongnyüke.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

JOB SHAHSHA APPÜ 34:28

shejao jom homei taopathü theppüyoungpü büpalei dhaongi danhü, hatü nehahneyingpüthüi lenpü büpai danhü.

1 SAMUEL 9:16

“Ngenyih hapa hepak kü ngei Benjamin kahdok leipü shennyak hük shomphahen. Ngelei Israel nanglakthü shak kü vanglem lemhen thiteiphuei jetuh; büpai ngelei nanglakthü Philistia amei lak kübü yanghen. Ngei ngelei nanglakthü ponghahpü eetepih; mehenangkü jom theppü ngei ngoiteke” shei e.

MÜLANGPÜ 2:24

Kahvangi jom theppüyoungpü dan, hatü büpai Abraham, Isak hatü Jakob mü vangeishuwpü deih-ei dang.

MENVIH KESHO 144:14

Hamei mohohthüi cheha shaanei mahütuh. Hajük kü bham benei wüpküpei nedaihen, hamei chingyangshong kü Shanghahpai theppüyoungpü tevamhüma.

ISAIAH 24:11

Yiü nedangi chingyangshongei vaüpü eepai mateke; mongong kemei mongmang leidaikem, kahdok kübü mongong kemei lüdaiteke.

JEREMIAH 12:11

Jomi hapayü lavüngtoipü jahpan leitük; hayü ngei touei lavüngtoiyei nyüke. Kahdok kemei üpaiyao nejungpü phaü leitükteke.

JEREMIAH 46:12

Jatthüi nüng veüpü jung danteke, hatü kahdokü nüng theppü ngeüi mahteke; mehenangkü vehokbüthüi vehokbüthü kü huluh shuohteke, hatü jijinyiphen doteke.

YOUNG LAI 2:8

Zion chingnyü bham laamhen Shembüpai hanteke, chemjalak kü bentükhen büpai shetei temtüktü nyu, hatü haleipü büpalei lak neleilang; Shangdüthü hatü bhamthü chemi bendaitü nyüke.

HAGGAI 1:11

Ngei kahdok hatü shangtaothü, sheilivungla, yiünaü, mainga hatü lemphü kahdoki vamhüpü, hangkuli hatü yemhimak hatü lemphü ammei lak kü vampü kü ühivan shuohpeih.”

JOEL 1:11

Mongmangtuh, am kahling am, theptuh, am nyalingngupai kah lingpü am; wheat hatü barley hah shingvaishi mong yungtuh; Mehenangkü hahnyü dongchong kemei mangdaiteke.

JOEL 1:14

Shüaeiyunglehen ngeükhüam shuohtuh; daülangpü thaihiyu hük nyüktuh! Behethü hatü kahmük kü nyupüthü peü Shembüpa, ammei Kahvangei phopshemei thaituh, hatü Shembüpa kü leneishuoh.