JEREMIAH 14:16 - DAÜLANGPÜ LAIHING (BSI)

¹⁶ hatü jomi teteivanei eshuohpü shennyakthüao yan hatü münghishaü homei mahhen hatü Jerusalem chingyangshongei yakeichingei nyuhen; jom, jomei shembünyüthü, hatü hapeüthülei mahng vühen üpayao nenyuhen. Jomei mangi shangpükei ngei jom kü shemhen.”

JEREMIAH 14:16 Referans Kwoze

JEREMIAH 7:33

Hapa nanglakthülei mahngü ouhiyüh, yemhimakthülei het vaihen, hatü ha kü üamiyao nevowhen.

KANDOK 1:31

Ammi ammei betjük danghen; hatü ammi temhahpü küpjani am lomohhen.

JEREMIAH 18:21

Hanangkü jomei hapeüthü münghishaü kü yah-eishuoh; vepalei yan kü lanei yah-eishuoh. Jomei nyühathü hapeü neshiüi nyülan hatü vaümnyü leihütuh. Jomei bahathü jütükkemtuh, jomei nethethü vehok kü yani mahkemhütuh.

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

SHAKEI VAMPÜ 16:1

Hapheikü phopshem leipü ngeü longpü hük vangsho phongshanthü nyet kü, “Daituh, hatü Kahvangei mongshih nükshung nyet kahdoknyü kü khüpeishuoh” shei epü ngei dan.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

JEREMIAH 9:22

Shembüpai hapakei enyüke shei etuh! “Hangku mahngü chingyangshongei nühinam shüngpükei nyuhen, hah vetpü am pheikü manang yaüpükei nyuhen, hatü hathü üpaiyao nejunghen.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

JEREMIAH 4:18

Ammei nyuhichong hatü ammei dükhiling homei ha koei leihahpü khih. Hayü ammei shanghah; hapayü shahyaki! Hapai ammei mongdang kü hümnyüke.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.

ISAIAH 51:20

Ammei hapeüthü peü chingyangshongei shoukhinuk kemei kü shaok tailok kü manpükei yüh-eiyangei lemlemleyei nyüke; Jomü Shembüpalei mongshih-i, hatü ammei Kahvang lohpai maei nyüke.

JEREMIAH 8:1

Hapa nyih kü Judah ongthü, lakchongbüthü, ngongpathü, thibüthü hatü Jerusalemei nyupüthülei vangtao mahngsha leipü ngaihen shei Shembüpai enyüke,

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

JEREMIAH 27:15

Ngei jomphong neshomshomi ngelei men kü shahshem teteivanei enyüke shei Shembüpai enyüke. Hanangkü ngei am hatü am kü shahshem epü thibüthü changtükhen hatü mahtükhen.

EZEKIEL 39:14

Kahdok daühühen shingvaishi shennyak düngei dou kü choishi nyuhen. Hanei kahdok peü lemei daihen, ha kü üei haneiyü aokpü mahng vühen. Vangbong nyet pheikü jomphongi hapakei yemei chongpanghen.

AMOS 7:17

Hanangkü Shembüpai hapakei enyüke: “Anyühayü chingyangshongei büm yupü am leihen, hatü nüngei hapeüthü vehokei mahhen. Nüngei kahdokü hantü mih kü shuohtükhen, hatü nüngü kung kahdokei dihen. Hingmei Israel am laophülei kahdok tuhtü wüpküpei daihen.”

JEREMIAH 9:20

Shembüpalei shah bangtuh, Oh nyüha, hatü büpalei ju kübü shah nüngei dhaongei shühahtuh; Anha kü mahng kesho hük nyuh-eishuoh, hatü nüngei küphü kü mahng thephen nyuh-eishuoh.

JEREMIAH 20:6

hatü nüng, Pashhur, hatü nüngei shemei nyupüthü peü Babylon wüpküpei daihen. Halei nüng hatü nüngi shahshemi teteivanei eshuohpü nüngei küphüthü peü diyei mahng vütükhen.”