JEREMIAH 14:15 - DAÜLANGPÜ LAIHING (BSI)

¹⁵ Hanangkü ngelei men kü teteivanpü thibüthü kü Shembüpai hapakei enyüke: Ngei jom neshomshomi jomi, ‘Hapa kahdok kü yan nevaijü münghishaü nepeiküpih’ shei enyüke. Yan hatü münghishaü-i ha thibüthü mahkemhen,

JEREMIAH 14:15 Referans Kwoze

EZEKIEL 14:10

Jomi jomei mang kohen hatü thibüpayao büpa kü phepü shennyak kei-üng aihük mü danghen.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

AMOS 7:17

Hanangkü Shembüpai hapakei enyüke: “Anyühayü chingyangshongei büm yupü am leihen, hatü nüngei hapeüthü vehokei mahhen. Nüngei kahdokü hantü mih kü shuohtükhen, hatü nüngü kung kahdokei dihen. Hingmei Israel am laophülei kahdok tuhtü wüpküpei daihen.”

JEREMIAH 20:6

hatü nüng, Pashhur, hatü nüngei shemei nyupüthü peü Babylon wüpküpei daihen. Halei nüng hatü nüngi shahshemi teteivanei eshuohpü nüngei küphüthü peü diyei mahng vütükhen.”

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

1 ONGPATHÜ 22:25

Mikaiah-i jangei, “Dungnuk mongpalei jonüng shüpü nyih nüngi ha eehen” shei e.

JEREMIAH 23:30

Hanangkü ngelei shah hük leipü hüki güh-ei eteipü thibüthü kü ngei khünyüpeih shei Shembüpai enyüke.

JEREMIAH 27:15

Ngei jomphong neshomshomi ngelei men kü shahshem teteivanei enyüke shei Shembüpai enyüke. Hanangkü ngei am hatü am kü shahshem epü thibüthü changtükhen hatü mahtükhen.

YOUNG LAI 1:19

Ngei ngelei mongkhenthü kü nyük, shejao jomi ngei kü nesheüh. Ngelei ngongpathü hatü pahijeithüi hahying yemei longteipai chingshongei diyei nyüke.

YOUNG LAI 2:20

Veituh, Oh Shembüpa, nüngi hanghi shuohpü kü! Nyühathüi laophüi bühhahpü hapeüthü jüei hahnyüke; Ngongpathü hatü thibüthü Phopshemei jütükkemnyüke!

EZEKIEL 13:14

Ammi dhon nyiotükpü bhamü kahdok kü jeetshi benei haütükhen; hapa bham chongnyiam shing kong leitükhen, hatü mechem hapa laamhen, amao hapa mongei mahhen. Shejüang ami ngeiyü Shembüpa Kahvang shei nyinghen.

EZEKIEL 14:9

Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

SHAHKÜP 18:20

Shejao ngei etuh shei nekangpü kü üpa thibüi ngelei men kü ehenshang, nevaijü üpa thibüi lebü kahvangthülei men kü ehenshang, büpayü jütükhen.

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

EZEKIEL 13:9

Ngelei lak nejiüpü manghkhang eepüthü hatü shahshemi tetpüvanpü epüthü khüei nyüpeih; henüng keipü shennyakthü ngelei nanglakthü mü shahdep kü ne-omhen. Israel amei bühü men nyangpü laitap kü neshüaokhen; hathüi Israel kahdokei nyokei neleiaokhen. Shejüang ammi ngeiyü Shembüpa Kahvang khih shei nyinghen.

EZEKIEL 13:15

Hapa keiha ngei mongshihpü bham hatü hapa kü dhon nyiopüthü khüei nyuhen, hatü ngei am kü, ‘Hajük kü bham hatü hapa kü dhoni nyiopüthü,

EZEKIEL 33:6

Shejao yombüi vepa peipü eetüktü nanglakthü hakahen amit nevüngjema hatü vepa peiyei jomphong khong kübü hük dangkao mahjema, büpa laophülei mang homei dinyüpeih, shejao büpalei iy yombü leipü yühen.”