JEREMIAH 14:14 - DAÜLANGPÜ LAIHING (BSI)

¹⁴ Hahepak kü Shembüpai ngei kü, “Hathü thibüthüi ngelei men noshi shahshemi teteivannyüke; ngei jomphong neshom, nevaijü nanglakthü kü etuh shei ngei jom kü ne-eangpih. Jomi am kü shahshem manghkhang, yahlak neshiüpü tetshahvanshah, hatü jomei sholi kü peipü lushahlemshah enyüke.

JEREMIAH 14:14 Referans Kwoze

EZEKIEL 12:24

Israel phang kü hajük kü shahshem manghkhang nevaijü yawhpüyangpü tethivan nenyuhen.

JEREMIAH 29:31

Nehelam am Shemaiah nangkü Shembüpai hapakei enyüke shei wüpküpei nyupü peü touei shomtuh: Ngei neshomshomi Shemaiah-i am kü teteivanei epai am shahshem kü hinglemhüei mülangpü nangkü,

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

EZEKIEL 21:29

Ammi eepü manghkhang peü shahshem, ammi teteivanpü peü kemei shahshem, Mahhen nyupü nemeipüthü, hanghihen dohpü nyih hatü hepak ngoidaitü nyupüthülei ngaümtüng kü ha baphen.

1 TIMOTI 4:2

Hapa keipü nyuhpüvenpeyü nyiamshami ooktükpü akhümmong-üm shahshem mongdeih kübü vamnyüke.

ZEKHARIAH 13:3

hatü thibü hanei dangkao shao vamjema, jom büh jom paümpü nyühipathüi, “Didaikemtuh; mehenangkü ammi Shembüpalei men kü shahshem enyüke” shei ehen, hatü mechem jom teteivanei ejahen, jom büh jom paümpü nyühipathüi-üng jom jütükkemhen.

ZEKHARIAH 10:2

Yaongnaüyathüi lueilemei enyüke; Phongyompüthüi shahshem manghkhang eenyüke; jomi shahshem manghthü tetnyüke. jomi angsha nyiushemmei shuohnyüke. Hanangkü mi yombü neshiüpü mithü hanghipükei shennyakthü paüeiyonei longteinyüke.

EZEKIEL 13:23

Hanangkü hajük kü ammi shahshem manghkhang nevaijü phongyomthiphepü neeehen; ngei ngelei nanglakthü ammei lak leipü yanghen. Shejüang ngeiyü Shembüpa Kahvang shei ammi nyinghen.

JEREMIAH 37:19

Nüng kü, ‘Babylon ongpai nüng nevaijü hapa kahdok khüei nehokpih’ shei teteivanei epü thibüthü melei daipa?

JEREMIAH 29:21

Ngelei men kü amphong kü shahshem teteivanei epü Kolaiahlei cheha Ahab hatü Maaseiahlei cheha Zedekiah nyi nang Jeiyong Shembüpa, Israel Kahvangi hapakei enyüke: “Ngei jomphong Babylon ongpa Nebukadnezzarlei lak kü shuohhen, hatü nüngi eeshi büpai jom jühen.

JEREMIAH 28:15

Hapheikü Jeremiah thibüi Hananiah thibü kü, “Bangtuh, Hananiah! Shembüpai nüng neshomshomi shahshem kü hinglemhen mü nüngi hapa jat yawhlangteke.”

JEREMIAH 28:13

Daituh, hatü Shembüpai Hananiah kü hapakei enyüke shei etuh: Nüngi pü yah-ei lingpü pang mangtükteke shejao hapa nangjei nyiami lingpü pang danghen hih.

ISAIAH 9:15

behe hatü longhivangthüyü shangjing, hatü shahshem nyuhpü thibüthüyü mei.

1 JOHAN 4:1

Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

SHAHKÜP 18:20

Shejao ngei etuh shei nekangpü kü üpa thibüi ngelei men kü ehenshang, nevaijü üpa thibüi lebü kahvangthülei men kü ehenshang, büpayü jütükhen.

ISAIAH 56:10

Israel am yombüthü peü mük phüngdaiteke; jomphong kon neshiü; Jom peü nehungpü shi kei nyüke; jom peü shinei lemtü mangh manghnyüke; jomü shi mon shinyüke.

JEREMIAH 8:11

Jomi ngelei nanglakthülei makaw kü wongshi neshiüpükei deihshi shaphongnyüke. Meishi neshiüshiüi, “Meishi nyüke” shei enyüke.

JEREMIAH 20:6

hatü nüng, Pashhur, hatü nüngei shemei nyupüthü peü Babylon wüpküpei daihen. Halei nüng hatü nüngi shahshemi teteivanei eshuohpü nüngei küphüthü peü diyei mahng vütükhen.”

JEREMIAH 28:11

hatü büpai, “Shembüpai hapakei enyüke” shei nanglakthü peü kü eteke: “Ngei shaang dükpü keiha bong nyi mongkü Babylon ongpa Nebukadnezzarlei pang jatthü peüei bhagchong leipü bhühtükhen” shei e. Ha kü Jeremiah hatoueipü dailem yemei lüdai.

YOUNG LAI 2:9

Pinnyülei pe shaden kahmongei shüdaiteke; jomei nyiam pe khih mü nihdaiteke. Pinnyülei longhiongthü peü wüpküpei daiyei lebü jatthü chi kü nyüke. Hajük kü shahkungnyü nenyuhneven; thibüthüi sheyü SHEMBÜPAleipü manghkhang ne-eehen.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

EZEKIEL 13:2

Shennyak ha, Israel am thibüthü üamphong teteivanei enya, hathü nyonghüei teteivanei etuh; laophü kü deihja deihja kei tetpüvanpüthü kü, “Shembüpalei shah bangtuh” shei etuh.