JEREMIAH 14:12 - DAÜLANGPÜ LAIHING (BSI)

¹² Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

JEREMIAH 14:12 Referans Kwoze

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

KANDOK 1:28

Hahepak kü ammi ngei kü nyükhen; shejao ngei am kü nejanghen; Ammi ngei yemhen, shejao ngei nedanghen.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

MIKA 3:4

Hahepak kü jomi Shembüpa kü lenei wonghen, shejao büpai jom kü nejanghen. Hahepak kü büpalei dhe jom kübü jolanghen; mehenangkü jomi mang dükpü nangkü.

EZEKIEL 14:21

Mehenangkü Shembüpa Kahvangi hapakei enyüke: Ngei Jerusalem khüei dibenüng shahphenpü yanlu, shaühile, phaüyemthü hatü chamhilem haleipü shennyak hatü yemhimakthü jütükhen shingvaishi shomjü meshük mangpüba nyukahen!

JEREMIAH 24:10

Ngei jom hatü chebü chepa kü shuohpü kahdok leipü mangmah thahshi ngei jom khüei yan, münghishaü hatü cham shomhen.

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.

ISAIAH 58:3

“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.

KANDOK 28:9

Üpai shahkungnyü kü dhaong neshaangnya, büpai phoppeyü jiühitbenüng.

KANDOK 21:27

Nemeipü ami moila shuohpeyü jiühitbenüng; ten kohshi koei peijü meshük nemeipü vaihen!

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

SHAKEI VAMPÜ 6:8

Ngei veishuohjü haipih-i thüngpü koyei hük nyu. Hapa kü uopübalei menü Dipü nyuteke, hatü büpa mü yimching müshi ee; hatü jomphong kü kahdoknyü phaihan ali kü phaihan hük kü yani, münghishaü-i, chamhilemi hatü phaüyemthüi jühen ngan shuoh.

JOB SHAHSHA APPÜ 27:9

Jom kü shanghah peishingkü, jomi nyükpü kü Kahvangi banghen je?

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

JEREMIAH 21:6

Ngei hapa chingei nyupü shennyak hatü yemhimakthü jühen, hatü jomphongü nyembenüng chamhilemi dihühen.

JEREMIAH 32:24

Veituh, Babylon ami hapa chingnyü shümhen dü daknyüke. Yan, münghishaü hatü chamhilemi hapa hahhen nyupü Babylon am kü shuohtükhen. Nüngi mehe etepa, ha vampü shaang nüngi eenyüke.

EZEKIEL 14:19

Nevaijü ngei hapa kahmük kü chamhilem shomei ngelei mongshih khüpeilangei iy yenhüpai haleipü shennyak hatü yemhimak kemei jütükshingkü,

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

AMOS 5:21

Ngei ammei mohitap kü jiühitnyeih, hatü am thaipüyupü kü ngei mong neongnyih.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.

JEREMIAH 11:14

Jeremiah, nüngi hathü nanglak shing tephop, nevaijü jom shing tekhüm nevaijü teyü; mehenangkü jom ponghahpü hepak kü jomi ngei kü nyükjü ngei nebanghen.

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”