JEREMIAH 13:25 - DAÜLANGPÜ LAIHING (BSI)

²⁵ Hapayü ammei lashüh shangba, am kü dokei tuhpü phaihan shei Shembüpai enyüke. Mehenangkü ammi ngei betük, hatü shahshem kü hinglem.

JEREMIAH 13:25 Referans Kwoze

JOB SHAHSHA APPÜ 20:29

Hapayü nemeipü am shing Kahvang leipü hean, hatü Kahvangi büpa kü tempü mükjüp.

MATHI 24:51

Shembüi büpa khih mü dehtükhen hatü akhümmong-ümpüthü mü shüktükhen; halei theppü hatü bha vükpü nyuhen.

JEREMIAH 2:32

Nela hüki laophülei chühiyük, hatü doidaila hüki laophülei owhiai be-aokhen je? Shejao ngelei nanglakthüi nyih longi ieyei neaoki ngei betükteke.

MENVIH KESHO 11:6

Nemeipüthü kü büpai awtao hatü awkaong meli shomhen; nyahpüshampü vanglükü jomei hean vaihen.

MENVIH KESHO 9:17

Nemeipüthü mahngshalei nyokei shüdainyeih, Kahvang betükpü jatthü peü kemei.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

JEREMIAH 10:14

Peü kemei sholi hatü kon neshiü; hon shükbüi büpai lingpü lajei eetü veünyüke. Büpalei lajeiyü lueilempü mon; hathüi ngü neheenyu.

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

ISAIAH 28:15

“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”

ISAIAH 17:4

“Hapa nyih Jakob amei müknyinshekhang mahdaihen; hatü büm kübü cheü kemdaihen.

ROM SHAHSHA APPÜ 1:25

mehenangkü jomi Kahvangei shahhing shahshem mü jeiteinyüke, hatü Lingbü nangjei lingpü douthü kü khümei chongphoteke, den den kü büpa vihtuh! Amen.

ISAIAH 34:17

Büpai hathülei phaihan shuoh-ei nyüke. Büpalei laki hathü kü shetei shuoh-ei nyüke. Jomi hathü den den shing yahhen hatü halei nyuhen.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

JEREMIAH 3:21

Kahshang shaopü leipü vaüpü eepü, hatü Israel hapeüthü theppü dannyüke, mehenangkü jomi lemnyong kü kamei, Shembüpa, jomei Kahvang betükteke.

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

EZEKIEL 23:35

Hanangkü Shembüpa Kahvangi ha enyüke: Nüngi ngei betük hatü nüngei ngaümpheilei yaktükpü nangkü nüng iyjeiphailei hatü büm yuei kamteipü mang nüngi kohen.