JEREMIAH 13:21 - DAÜLANGPÜ LAIHING (BSI)

²¹ Nüngei küphü vaihen shingvaishi nyuhshuohpüthüi nüng neütüktü nüng shak kü vanglem lemküjü nüngiyao mehe deihhen? Nyüha hük hapeü angshingkü tüngpü keiha nüng kü netünghen je?

JEREMIAH 13:21 Referans Kwoze

ISAIAH 13:8

Nyempai jomphong yeplanghen, thenshang mongtüngpai jom shümlanghen; nyühai moi paishingkü kei jom mongshanghen. Jom hüki hük mü nyemei veiteihen, veüpai dheyao awlom kei hakdaihen.

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

JEREMIAH 38:22

Judah ongpalei ongshemei tuhpü nyühathü peü Babylon ongpalei lakchongbüthü touei müei deihen. Ha nyühathüi nüng kü hapakei ehen: “Nüngei mongjempai nüng lemnyong kü müpeih, hatü mongkhen küphüi nüng shak kü vanglem lempü khih. Shaang nüng nyaühut chongkü taangdaipü eeyei jomi nüng yakphongpü khih.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

EZEKIEL 28:9

Nüng jüpü am touei, ‘Ngeiyü kahvang hük’ shei eaokhen je? Nüng jühen am touei nüngü kahvang nevai, shennyak mon vaidaihen.

JEREMIAH 48:41

Kerioth am hahtükhen, penyüsha shümlanghen. Hapa nyih Moab am hampathülei mongü nyüha hük hapeü bühshingkü maanpükei maandaihen.

JEREMIAH 30:6

Shaang haongshi deihhümao: Baha hüki hapeü büh-aokhen je? Shejema mehekei wong kohpü bahathü peü nyüha hük hapeü anghen tüngjü vom kü laki paümpükei nyunya, hatü mahngmük mahngshe kei haidaitü nyunya?

JEREMIAH 22:23

Oh Lebanonlei nyupüthü, cedar püyingei jep lingtü nyupüthü, Mechem tüngpüyapü peihenshang, am meshük thephen? nyüha hük hapeü bühshingkü tüngpükei tüngkahen.

JEREMIAH 6:24

Hami jomei shahjang dantepih, hamei lak mahngdaiteke; mongshangi ham yeplangteke; nyüha hük hapeü angnüng tüngpükei ham shonglangteke.

ISAIAH 21:3

Mehe ngei manghkhang kü ee, hatü dan, hapai ngei nyempai hatü tüngpai mahü, nyühai hapeü anghen tüngpükei tüngteke.

2 ONGPATHÜ 16:7

Ahaz-i Assyria am Tiglath-Pileser ongpa kü phongmokbüthü shomei, “Ngeiyü nüngei chongphobü hatü nüngei ong naü-eepa. Hanangkü ngei mü hokpü Aram ongpa hatü Israel ongpa nyilei lak kübü nüng aongei ngei yangtuh” shei e.

MATHI 24:8

Shejao hathü peü shangponghen pangpü mon.”

JEREMIAH 2:25

Nüngei la kü tüngshi, hatü üng üshi temoktei. Shejao nüngi, “Ngei kung amei kahvang bamnyeih, ngei hathü pheikü daihen hih” shei nüngi eteke.

JEREMIAH 4:30

Oh ching nyaipü am, am mehe düknya? Mehekei ammi ow hakla hatü hon-ow ownya? Mehekei ammi mük kü long nyiotü, ammei mükkam longhünya? Angsha kü am nela lingteinyu khih. Ammei chühimaithüi am yakphongteke; jomi am jühen yemnyüke.