JEREMIAH 13:20 - DAÜLANGPÜ LAIHING (BSI)

²⁰ Ngangei veituh, hatü apshaphi leipü peiküpüthü kü veituh. Nüng kü shuohpü nethe meipü mithü melei daipa?

JEREMIAH 13:20 Referans Kwoze

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

HABAKKUK 1:6

Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.

JEREMIAH 23:2

Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.

JEREMIAH 1:14

Hahepak kü büpai ngei kü e: “Apshaphi leipü shanghah hük hapa kahmük kü nyupüthü peü touei vamhen.

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

JEREMIAH 1:15

Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

JEREMIAH 25:37

Shembüpai mongshihpü nangkü veinyuhüpü shingthü lavüngtoiyei leitükhen.

KANDOK 14:28

Nanglak longi nyupeyü ongpa hükei müknyinshekhang, shejao nanglak neshiüjema ong hük lomohnyeih.