JEREMIAH 13:16 - DAÜLANGPÜ LAIHING (BSI)

¹⁶ Büpai vangnyak koei peikü shekü, hatü vangngai pibom kü nüngei la-i kahshangthü kü huluh shuohhü shekü, Shembüpa, ammei Kahvang kü müknyinshekhang shuohtuh. Mechem nüngi vangngai kü veihen, büpai shangmang hatü vangnyak leitüknyeih.

JEREMIAH 13:16 Referans Kwoze

ISAIAH 59:9

Hanangkü shahhingü ham toueipü taishi lüdai, hatü daülangshemshepü ham nengoinyu. Hamü vangngai om dannyüke, shejao peülei vangnyak mon nyüke; Hami vangngai nyapü yemnyeih, shejao shangmang kü kamnyüke.

ISAIAH 8:22

nevaijü jomi kahdokei veihen, shejao jomi shanghah, vangnyak hatü nyempühanpü mon eehen, hatü jomü shangmang vangnyakei shüktükhen.

ISAIAH 60:2

Veituh, kahdok kü shangmangi jümshi nyüke, hatü nanglakthü kü phumnyaki jümshi nyüke; Shejao Shembüpa am mü yaongnyüke, hatü büpalei müknyinshekhangi am kü khangnyüke.

ISAIAH 5:30

Yungching yungmok ngeü keiha hapa nyih jomi hapa nangkü ngünghen. Hanei-i kahdokei veijü vangnyak, hatü shanghah mon eehen, phumnyaki vangngaiyao vangnyak leitükhen.

KANDOK 4:19

Nemeipüthülei lemü shangmang vangnyak monha, jom mepa kü huluh shuohnya, nenyingnyu.

JOSHUA 7:19

Hahepak kü Joshua-i Akhan kü, “Ngelei hapeü, Israel amei Kahvang kü müknyinshekhang shuohtuh hatü ngaiyei lahtuh. Nüngi mehe dükpa ha ngei kü eshih; ha ngei kü tejo” shei e.

JEREMIAH 23:12

Hanangkü jomei lemü vangnyak lemnyü kei nyuhen, hapa kü jom changei deiyei dohühen. Jom shanghahpü bong kü ngei jom kü vongshüh koei peihen shei Shembüpai enyüke.

JEREMIAH 4:23

Ngei kahdoknyü kü veiteke, hatü hapayü meheyao nekohpü shingkong, hatü kong mon shiüteke; vangshothü kü veiteke, shejao haleiyao vangngai neshiü.

MENVIH KESHO 44:19

Shejao nüngi ham ngümtük, hatü shuwthü mü tuhphong, hatü shangmang longpai jümphong.

1 SAMUEL 6:5

Hihüma lajei lingtuh, hatü ammei kahdok mangtükpü yüphüh lajei lingtuh, hatü hapa yah-ei Israel Kahvang kü dhüm hutuh; üpai nyingpa büpai büpalei lak am hatü ammei kahvangthü hatü kahmük kübü yahlangphahen.

MÜLANGPÜ 10:21

Hahepak kü Shembüpai Mosa kü, “Shanghahshi Ijip kahdok kü shangmang peihen nüngi vangsho philei lak haongtuh” shei eteke.

1 PETER 2:8

Shao lebü lai kü hapakei enyüke: “Jom huluh shuohhüpü yaong, hatü jom dohüpü yaongnyü-ü hapa hih.” Jom huluh shuohpeih; mehenangkü jomi ha shah nebang; jomi hapa dükhen demtükpü am nyuteke.

JOHAN 12:35

Jisui jomphong kü, “Amphong mü vangngai kansho hük nyuhen. Am mü vangngai nyushingkü vangngai kü kamtuh, shejüang vangnyaki am she neyeihen. Amphong shangmang kü kamjema, am melei dainya nenyinghen.

YOUNG LAI 4:17

Angsha kü sheühpü danghen shei ongyangei veihampai mükyang yungdaiteke; Ham neyangphaaokhen jat hük kü monglemei veishi nyuteke.

JEREMIAH 14:19

Nüngi chemjalak kü Judah yaktükpü je? Nüngei mongei Zion nelümpü je? Ham nemeiaokhen mü mehekei nüngi ham ma yahhüpa? Hami chingmei yempeih, shejao meheyao mei nedang; Meitükpü hepak yempeih, shejao ha nangjei nyemhihan heüpeih.

JEREMIAH 8:15

Hami chingmeivangmei yempeih, shejao mehe meiyao nedang; Meitükhen hepak yempeih, shejao ha nangjei nyempü peiküpeih.

CHONGVENBÜ 11:8

Üami bong luangi nyuhenshang, büpai nyuyang kemei mongongshi nyutuh, shejao büpai shangmang nyihthüao deih-ei dangtuh; mehenangkü hapa nyih longi nyukahen. Peikahen shei monglempü lemphüli angsha khih.

JOB SHAHSHA APPÜ 3:5

Shangmangi hatü vangdhüm longpai ha jümlangtuh; phumnyaki ha kü jümtuh; vangnyaki hapalei vanghenyü banglangtuh.

MENVIH KESHO 107:10

Haneiyü shangmang kü mongmangei nyiamvüi shatü khoklatei uoshi nyu;

MENVIH KESHO 107:14

Büpai jom shanghah, hatü mongmang kübü yang, hatü jomei nyiamvü phentük.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

JEREMIAH 6:21

Hanangkü Shembüpai hapakei enyüke: Veituh, ngei hapa nanglakthü khüei huluh yaong haüphongnyeih; jomi ha kü huluh shuohtü dohen; nyühipa, hashih naüha hatü chingyow, hatü küphüthü chemi mahhen.

JEREMIAH 50:6

Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.

EZEKIEL 21:15

Hapai ngelei nanglakthülei mong maandaihen, hatü longshi shing huluh shuohhen. Jomei penyüsha kemeilei ngei jom jühen yan notü tapei tuh-ei nyüpeih. Oh! hapayü klang kei nyelepshi nyüke, hatü hapayü jühen nangkü thittüktü nyüke.

EZEKIEL 34:12

Paüdaipü mithü khongkü mi yombüi laophülei mi yempü keiha ngei ngelei mithü yemhen. Baijüm vangyim nyih kü jom paüdaipü shingthü peü leipü ngei hathü yanglanghen.

EZEKIEL 36:15

hatü hajük kü lebü jatthüi am kü yaüeilungei epü nedanhühen; hajük kü shennyakthülei mongmang nekohühen, hatü ammi laophülei jat huluh neshuohhühen shei Shembüpa Kahvangi enyüke.

AMOS 4:13

Veituh, üpai kahshangthü shüknya, hatü vanglük lingnya, shennyak kü büpalei mongdeih ngaiyei enya, dhomi vangnyak leitüknya, hatü kahdok shaopüthü kü kamnya, hapayü Jeiyong Shembüpa Kahvang, büpalei men nyüke.

AMOS 5:18

Shembüpalei nyih ongyangpüthü Onyükei! Mehekei ammi Shembüpalei nyih ongyangnya? Hapayü vangngai nevai, vangnyak nyukahen.

MENVIH KESHO 29:2

Shembüpalei men vihtuh; büpalei men müknyinshekhangtuh; Shembüpa daülangshemshepü dhemeilaümapü kü khümtuh.

ISAIAH 59:10

Mükphüngpai keiha hami bhamba kü bomeipangteinyüke, mük neshiüpü shennyak keiha lakhila-i bomei lem yemnyüke. Shangmang kü keiha nyihnüngao huluh shuohnyüke, Wong kohpüthü touei hamü mahng kei nyunyüke.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

MALAKI 2:2

Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.