JEREMIAH 13:14 - DAÜLANGPÜ LAIHING (BSI)

¹⁴ Hapheikü ngei behe hashih peü aihük mü dük keiha hüki hük mü kaongteihühen. Ngei hathü mahtükshingkü nephahjihen, neyanghen nevaijü neshinshanghen shei Shembüpai enyüke.

JEREMIAH 13:14 Referans Kwoze

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

MENVIH KESHO 2:9

Nüngi nyiamlüng hük notü jom mangtükhen, nüngi jom haümdük nihpükei khih mü nihtükhen.

JEREMIAH 21:7

Hapheikü ngei Judah ong Zedekiah, büpalei lakchongbüthü hatü hapa chingnyü cham, yan hatü münghishaü kübü yangpüthü peü Babylon ongpa Nebukadnezzar hatü jom jühen yempü vepathü kü shuohtükhen. Büpai jom yani mahhühen; büpai jom kü phahji nevaijü yahyang shinshang meheyao nehuhen.”

JEREMIAH 6:21

Hanangkü Shembüpai hapakei enyüke: Veituh, ngei hapa nanglakthü khüei huluh yaong haüphongnyeih; jomi ha kü huluh shuohtü dohen; nyühipa, hashih naüha hatü chingyow, hatü küphüthü chemi mahhen.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

MARK 13:12

Jeihinaü hi jeihinaü, pa hi ha, hatü hapeüthüi nyühipa khüei yaonghen hatü jüteihen;

MATHI 10:21

Jeihinaüi jeihinaü jütükhen nangkü yutükhen, pa-i ha yuhen, hatü hapeüthüi nyühipa khüei yaonghen hatü jütükhen.

EZEKIEL 24:14

Ngei, Shembüpai etepih; ngei dou dükhen hepak ngoiteke. Ngei lak neyünghen, ngei lak neshih-i neaophonghen, hatü ngei nejü-üi dükhen. Nüngei lemthü hatü douthü aimü ngei shahphenhen shei Shembüpa Kahvangi enyüke.

EZEKIEL 9:10

Shejao ngei jom kü nephahjihen; jomi mih kü mehe dük, ngei jom kao ha dükhen” shei e.

EZEKIEL 9:5

Ngei bangei nyujü büpai lebüthü kü, “Büpa pheikü müei daiyei jütuh; hükao yangei tetuh; üpa kao tephahji;

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

EZEKIEL 7:9

Ngei am kü yahyangei nevaijü shinshangei neveipih; ngei ammei dükhiling hatü ammei jiühitnalai douthü am mü nyupü thahshi ngei ha shemhen. Shejüang am kü bheipeyü Shembüpa, ngei khih shei ammi nyinghen.

EZEKIEL 7:4

Ngei am kü yahyangei nevaijü shinshangei neveipih. Hingmei ngei ammei dükhiling hatü ammei jiühitnalai douthü am mü nyupü thahshi ngei ha kü shemhen. Shejüang ngeiyü Shembüpa shei ammi nyinghen.”

JEREMIAH 48:12

Shejao ngei büpa dük leipü büpa cheiyei ngaitükhen; hathüi dük kongtükhen, hatü büpalei yungshong bhaotükhen, ngei shennyakthü shomhen nyihthü ngoikünyüke shei Shembüpai enyüke.

JEREMIAH 47:3

koyeithü ladhaoki shouppü ngeü, koyei kharithülei la ngeü, kharila shinpü ngeü kü nyemei, nyühipathüi laophülei hapeüthü baong yemei neleihen hatü jomei lak juwdaihen.

JEREMIAH 16:5

Shembüpai hapakei enyüke: Nüngi mahng theppü shemei teshü, nevaijü mahng thephen, youngeinanghen tedai; mehenangkü ngei hapa nanglakthü leipü ngelei chingmei, bampü hatü phahji yahlangtepih.

2 SHÜPPÜKENGPÜ 20:23

Ammon am hatü Moab am nyi sheptü Edom am khüei hok hatü jom jütükkem. Edom am jükem pheikü shao jiji hüki hük mü mangshi hokteke.

1 SAMUEL 14:16

Benjamin amei kahdok Gibeathlei Saulei veyombüthüi Philistia am nyemei aphipe kü nyaiteipü ee.

JOB SHAHSHA APPÜ 27:22

Jom ha kübü yangdainüng khejao, phahji neshiüi jomnoei shüktükhen.

JEREMIAH 15:5

“Üpai am kü shinshanghen? Oh Jerusalem, nevaijü üpai mahng thepphahen? Am mekei nyüke shei üpai yaongei pheyuhen?

YOUNG LAI 2:21

Hashih behe kemei chingshongei diyei shükshi nyüke; nethe nelathü vepalei yani mahkemteke; Nüng mongshihpü nyih phahji neshiüi jom jütükkemteke.

HOSEA 2:4

Ngei pinnyülei hapeüthü kü bampü nehuhen; mehenangkü jomphongü mükbongjuyung hapeüthünyüke.

ZEKHARIAH 11:6

“Mehenangkü ngei hajük kü kahdoknyü kü nyupüthü kü nephahjipih, shei Shembüpai enyüke. Ngei jom peü jomei ongthülei lak kü lanei shuohtükhen. Ha ongthüi kahdok kü shüveihen hatü ngei jomei lakmong kübü hathü neyangpih.”

JEREMIAH 15:6

Ami ngei yaktükpeih” shei Shembüpai enyüke. Ammi mang thah-ei mon nyunyüke. Hanangkü ngei am kü lak shihhen hatü mahtükhen; Ngei hajük kü neshinshangpih.

JEREMIAH 25:16

Jomi ha yingtü yonteihen hatü ngei jom touei yan shomhen vaipü nangkü ngaei longteihen.”

EZEKIEL 7:3

Am kü dohpü peiteke, hatü am khüei ngelei mongshih laihen; Ammi dükpü aimü ngei am shahphenhen hatü ammei jiühitnalai dükhiling kü ngei shemhen.