JEREMIAH 12:7 - DAÜLANGPÜ LAIHING (BSI)

⁷ Ngei ngelei shem yakphongpeih, ngei ngelei mükjüp tuhphongpeih: Ngei ngelei mongdangi bampüba vepathülei lak kü shuohtükpeih.

JEREMIAH 12:7 Referans Kwoze

ISAIAH 2:6

Nüngi nüngei nanglak Jakob am phang tuhphongteke. Hih, jomü heongphi leipü thibüthüi maei nyüke, hatü Philistia am keiha lashüh dokpüthü maei, hatü kung shennyakei vanglemthü kü lakhüngei düknyüke.

JEREMIAH 11:15

Jomi hajük mang dükyaki ngelei shemei ngei bampü nanglakthü kü mehe jiüpü hean nyuhen? Lahpü hatü yemhimak moila shuohpai shanghah khaplükhen shei deihnyu je? Hapai mongmeihühen deihnyu je?

HOSEA 9:15

Jomei mang dou lemphüli Gilgalei chongpangpeih, halei ngei jom kü jiühitei deihpeih. Jomi mang dou dükpü nangkü ngei jom ngelei shem kübü changtükhen. Ngei hajük kü jom kü nebampih, jomei mübüthü peü ngei khüei yaongteke.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

JOEL 3:2

Ngei jatthü peü thaihen, hatü Shahphenpü Kahjilei müei deihen. Halei jomi ngelei nanglakthü khüei lemphü nemeipü dükpü nangkü ngei jom kü shahphenhen; Mehenangkü jomi ngelei nanglakthü jatthü touei haitükpeih, hatü ngelei kahdok hantükpeih.

JOEL 2:15

Zionlei amit vüngtuh; daülangpü thaihiyu hük nyüktuh.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

JEREMIAH 51:5

Israel am Daülangpü Hük touei jomei kahdokü mangi maei nyujao, Jomei Kahvang, Jeiyong Shembüpai Israel, hatü Judah am nebetükangpih.

JEREMIAH 7:29

Ammei sho japei yaktüktuh; shangtaothülei mahng theptuh; mehenangkü Shembüpai büpa mongshihhüpü nanglakthü yaktükhen.

JEREMIAH 7:14

hanangkü ammi mongnyangpü, ngei kü khümpü shem kü ngei Shiloh kü dükshuohpü keiha ngei ambü ampa kü shuohpü hapa shing kü dükhen.

JEREMIAH 14:19

Nüngi chemjalak kü Judah yaktükpü je? Nüngei mongei Zion nelümpü je? Ham nemeiaokhen mü mehekei nüngi ham ma yahhüpa? Hami chingmei yempeih, shejao meheyao mei nedang; Meitükpü hepak yempeih, shejao ha nangjei nyemhihan heüpeih.

JEREMIAH 17:4

Am pungpü homei ngei am kü shuohtükpü mükjüp mahtükhen, hatü ngei ammi nenyingpü kahdokei vepathü chongphoei anghen; mehenangkü ngei mongshihpai aw bahhen, hatü hapa den kü bahshi nyuhen.

JEREMIAH 23:33

Mechem hathü nanglakthü nevaijü thibüi nevaijü ngongpa hüki, “Shembüpalei shahjang mehe khih?” shei phehüjü nüngi hathü kü, “Amphongü hanggovih khih, hatü ngei amphong yakphonghen” shei Shembüpai enyüke shei etuh.

JEREMIAH 23:39

Hanangkü hingmei ngei toueipü am hatü ambü ampa kü shuohpü chingnyü omei betükhen hatü yaktükhen.

HOSEA 11:1

Mechem Israel am hashih hük nyuhampa, ngei büpa kü bamteke, hatü Ijip leipü ngei ngelei hapeü nyüklangpeih.

SHAHKÜP 33:12

Benjamin am nang büpai hapakei eteke: “Shembüpai bampü jat nyiushemmei kü hüshemei nyutuh, Büpai helu shoei jom yomnyüpeih, hatü Shembüpai bampüba büpalei lakmongei yangei tuhtuh.”

2 ONGPATHÜ 21:14

Ngelei mükjüp yahhen aopü nanglakthüao yaktükhen, hatü jomei vepathülei lak kü shuohtükhen. Jomphongü jomei vepathülei lak kü aonghen, hatü jomei kahmük kübü lemphüli aetlanghen;

MENVIH KESHO 78:62

Büpai laophülei nanglak yani mahhü, hatü büpa mongshihpü laophülei mükjüp yahpüthü kü vamhü.

MENVIH KESHO 106:40

Hahepak kü Shembüpalei mongshih büpalei nanglakthü khüei vam, hatü büpai laophülei mükjüp yaktük.

JEREMIAH 22:5

Shejao nüngi hathü shahkungthü nebangjema, hapa ongshemü lavüngtoiyei leitükhen shei ngei lahnyeih” shei Shembüpai enyüke.