JEREMIAH 12:2 - DAÜLANGPÜ LAIHING (BSI)

² Nüngi jom sheiteke, hatü jom tünglang yiüteke: jom longei betjük jüknyüke; Jomei jubenei düngei nüng jung enyüke, shejao jomei mongdang longi taidaitü nyüke.

JEREMIAH 12:2 Referans Kwoze

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

MATHI 15:8

“Hathü shennyakthüi jomei ju-i mon ngei kü dhüm hunyüke, shejao jomei mongdang ngei toueipü taishi lüdaiteke;

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

EZEKIEL 33:31

Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.

JEREMIAH 45:4

“Büpa kü ha etuh” shei Shembüpai eteke: Shembüpai hapakei enyüke: “Ngei mehe vetepa, ha bentükhen; ngei mehe shei, ha bhitükhen; hapayü kahmük peü.

MARK 7:6

Büpai jomphong kü, “Am akhümmong-ümthü nang Isaiah-i jiüshi teteivanei tuhteke; ha nyangei nyüke: ‘Hathü shennyakthüi jomei jui mon ngei kü dhüm hunyüke, shejao jomei mong ngei toueipü taishi lüdaiteke;

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.

JOB SHAHSHA APPÜ 5:3

Ngapathü tünglang yüpeyao ngei eetepih, shejao ngangahük kü jom shem thaüvaütükteke.

MENVIH KESHO 37:35

Ngei nemeipüthü hatü wong noei vanglem lempü shennyak eetepih, hatü Lebanon leipü cedarpü keiha mih shangkü aongpü eetepih.

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

JOB SHAHSHA APPÜ 24:12

Chingnyü kü mahhen nyupüthüi vaünyüke, hatü ma yahtü nyupüthüi sheühpü naei lennyüke, shejao Kahvangi jomi phoppü kü nejangnyu.

HOSEA 7:14

Jomei mong kempai ngei kü nephop, shejao yangtü jomi thepnyüke; Mechem jomi nükhiyiü yüei phophenshang, jomi ngei khüei yaongnyüke.