JEREMIAH 12:16 - DAÜLANGPÜ LAIHING (BSI)

¹⁶ hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

JEREMIAH 12:16 Referans Kwoze

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

JOSHUA 23:7

am mü nyupü jatthü mü tejemtei; jomei kahvangei men tenotei nevaijü vangeishuwei te-e. Ammi hapa kü chongtepho nevaijü tekhüm.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

ISAIAH 65:16

Üami hapa kahdokei moihiman yühen, shahhing Kahvangi ha moihimanhen; Üami hapa kahdokei vangeishuwhen, shahhing Kahvangei men kü mon vangeishuwhen. Mehenangkü peihdaipü shanghahthü bedaihen, hatü ngelei müksho kübü ha jodaihen.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

ISAIAH 45:23

Ngei laophü nyingi lahtepih, daülangshemshepü kü ngelei ju kübü shah hük nyokei neleihen mü daitepih: “Peüi lashüh-i shüngei khümhen, hatü jubenyeijaang peüi ngei lahhen.”

1 KORINT 3:9

Mehenangkü henjiyü chemi dou dükpü Kahvang chongphobü nyi; amphongü Kahvangei kah, Kahvangei shem.

ROM SHAHSHA APPÜ 14:11

Hapa nyangei nyüke: “Ngeiyü hingmei mü yemmü nyupü Kahvang shei Shembüpai enyüke. Peüi ngei touei lashüh-i shüngei aümei shahen; yei peüi Kahvang lahhen.”

SOLOMONEI KESHO 1:8

Nyühathü khongkü peü mü nela meipü nüngi nenyingjema, mithülei lameen dhaümei daituh, hatü mi yombüthülei ashakshem yopailei nüngei yum chehathü kü het ühhütuh.

ROM SHAHSHA APPÜ 11:17

Shejao olive pükao hanei bhagei yaktüktü nüng, olive nganyü kao dakei hapa olive pü tünglang kübü aongpü hahying hahhen hapteke.

RUTH 3:13

Sheya payü hamü paümtuh, hatü büpai nüng tongkoliyei yah-aokjema meitei; büpai hapakei nyemdükkei. Büpai nüng kü hapakei dükhen nemongjema vanyangyem Shembüpalei men kü ngei vangei enyeih, ngei tongkoliyei yahhen hih. Vangngaipü thahshi hamü paümtuh” shei e.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

JEREMIAH 5:7

Mekei etü ngei am kü mang tükaokhen? Ammei hapeüthüi ngei yakphongteke, hatü Kahvang nevaipü kü khümnyüke. Mechem ngei jom kü moh-ei ühshuohhen, jomi mükbungjuyung düknyüke, hatü büm yupü amei shemei küpshi nyunyüke.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.