JEREMIAH 12:12 - DAÜLANGPÜ LAIHING (BSI)

¹² Bhih kahdok shangching koshoya peü kü vepathü peihen; Mehenangkü Shembüpalei yanlu-i hükao neyangi kahdok jung hük kübü jung hük thahshi hahtükhen.

JEREMIAH 12:12 Referans Kwoze

AMOS 9:4

Vepathüi jom wüpküpei yah-ei daijao, haleipao ngei jom jühen ngeükhüam shuohhen. Ngei mei shingvaishi nevai, shejao ten shingvaishi ngei jom kü mük neshai-i veihen.

JEREMIAH 47:6

‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

EZEKIEL 14:17

Nevaijü ngei hapa kahmük kü yanlu yah-ei peiyei hapa kahmük yani mahhütuh shei ejü haleipü shennyakthü hatü yemhimakthü kemei mahshingkü,

ISAIAH 34:6

Shembüpalei yanlu-ü moila shuohpü mi, hatü yum iy, milei she kübü cheü keiha, jomei iy-i haiyei hatü cheüi jümshi nyüke. Mehenangkü Shembüpai Bozrahlei moila shuohhennyüke, hatü Edomei jühen longi nyüke.

SHAKEI VAMPÜ 6:4

Hahepak kü lebü koyei hük, ngaiphah-i hakshi vam; shennyakthü hüki hük jüteihen shingvaishi hapa kü uopüba kü kahdoknyü leipü chingmei yahlanghen ngan shuohteke; hatü büpa kü yanlu longpü hük shuoh.

ZEPHANIAH 2:12

Oh Ethiopia am, amao ngelei yani mahkemhen.

EZEKIEL 5:2

Mechem chingnyü shümpü dohhenshang, hapa phaihan jem kü hük yah-ei chingnyü mongei jaktuh. Shao aopü kübü phaihan hük yah-ei nüngi chingnyü haolei deiyei dehtuh. Aopü phaihan hük yah-ei vanglük kü domeishuoh, hatü ngei ha pheikü yan noshi changhen.

JEREMIAH 48:2

Moab am kü üamiyao nevihnelühen; Heshbonei büpa vüshihhen phaüshah showhen: “Kei, jeni hapa jat dohtükshah! Oh Madmen, amao nendaihen; Yanlui am kü changhen.

JEREMIAH 34:17

Hanangkü Shembüpai hapakei enyüke: Ammi ngelei shah nebang; amphongi jempü Israel am kü bümei hean neshuohpü nangkü shaang ngei am kü bümei hean shuohnyeihhapa bümei heanü yan, cham hatü münghishaü homei mahhen shuohnyeih shei Shembüpai enyüke. Ngei amphongü kahdoknyü jatthü peü touei jiühitbenüng leihühen.

JEREMIAH 15:2

Hatü jomi, “Ham melei daihen?” shei phephüjü nüngi hathü kü, “Shembüpai hapakei enyüke” shei etuh: “Dihen demtüktü nyupüthü dikemtuh; Yani mahhen demtükpüthü yani mahtuh; Münghishaü-i dihen demtükpüthü münghishaü-i dikemtuh; Wüpküpei daihen demtükpüthü wüpküpei daituh.”

JEREMIAH 3:2

Shaopü shangtaothü kü veihümao, ammi halei büm neyupü shing nyüla? Yingnyülei phaüi nganei longteipükei, lemhao peülei ammi chühimai danei uonyüke. Ammei mang hatü büm yupü homei ammi hapa kahdok sheihtükteke.

ISAIAH 57:21

Nemeipüthü shingvaishi chingmei neshiü” shei ngelei Kahvangi enyüke.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

SHAHKÜP 32:42

Ngelei lahhani jomei iy yinghen, hatü ngelei yanlui phai hahhen. Ngei khüei hokpüthü hükao neyanghen, ma yahpü hatü wüpküpei nyupü peü dihen.

JEREMIAH 3:21

Kahshang shaopü leipü vaüpü eepü, hatü Israel hapeüthü theppü dannyüke, mehenangkü jomi lemnyong kü kamei, Shembüpa, jomei Kahvang betükteke.

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

JEREMIAH 16:5

Shembüpai hapakei enyüke: Nüngi mahng theppü shemei teshü, nevaijü mahng thephen, youngeinanghen tedai; mehenangkü ngei hapa nanglakthü leipü ngelei chingmei, bampü hatü phahji yahlangtepih.

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

JEREMIAH 30:5

Shembüpai hapakei enyüke: “Hami chingmeivangmei nevai, nyempühanpü ngeü dannyüke.

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

YOUNG LAI 3:17

Ngei chingmeivangmei ne-eehü; mongongmongle mehe shangkü ngei betük.

EZEKIEL 21:4

Mehenangkü ngei am nemeipü meipü peü jühen vaipü nangkü, ngei apsha hatü pehe thahshi kübü shennyak peü khüei ngei yanpishung kübü yanlu tukei yahhen.

EZEKIEL 21:28

“Shennyak ha, nüngi ha teteivantuh hatü etuh: Ammon am hatü jomi eelapü nangkü Shembüpa Kahvangi hapakei enyüke. ‘Yanlu hük, yanlu hük, jühen tukei anteke; Jühen shingvaishi klang kei nyangshi jintükteke.

JEREMIAH 8:15

Hami chingmeivangmei yempeih, shejao mehe meiyao nedang; Meitükhen hepak yempeih, shejao ha nangjei nyempü peiküpeih.

EZEKIEL 21:8

Shembüpalei shah ngei touei pei:

EZEKIEL 21:9

Shennyak ha, hapa teteivanei etuh; Shembüpai hapakei enyüke shei etuh: “Yanlu hük, yanlu hük yütüktü nyüke, hapayü thittüktü nyüke;