JEREMIAH 12:11 - DAÜLANGPÜ LAIHING (BSI)

¹¹ Jomi hapayü lavüngtoipü jahpan leitük; hayü ngei touei lavüngtoiyei nyüke. Kahdok kemei üpaiyao nejungpü phaü leitükteke.

JEREMIAH 12:11 Referans Kwoze

JEREMIAH 23:10

Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

ISAIAH 42:25

Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.

JEREMIAH 14:2

“Judah-i mahng thepnyüke, hatü jomei chingnyüthü wong kemdaiteke. Jomphongü dhe magdaitü kahdokei lemshi nyüke, hatü Jerusalem am theppü shangei aongnyüke.

MALAKI 2:2

Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

JEREMIAH 19:8

Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.

JEREMIAH 10:25

Nüng nenyingpü jatthü kü, nüngei men kü nenyükpü nanglakthü kü nüngei mongshih khüpeishuoh. Mehenangkü jomi Jakob lühtük; jomi büpa chemjalak kü lühtüktü büpalei kahdok mangtükpeih.

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

ISAIAH 57:1

Daülangpüthü mahjü üpaiyao mong kü nyah-ei nedeihnyu; hinglempüthü dijü üpaiyao ha nenyingnyu. Mehenangkü daülangpüthüyü shanghah vongshüh kübü yanglangnyüke,

CHONGVENBÜ 7:2

Mo shemei dailei meyü mahng shemei daipü-üng meipüba; Mehenangkü hapayü peü shingvaishi dohpü nyih nyüke, hatü yemmü nyupüthüi mongei jaoei tuhhen vongbong.

ROM SHAHSHA APPÜ 8:22

Shaang thahshi lingpü douthü kemei hapeü angshingkü tüngei vaüpükei nyüke shei jeni nyingnyüke;

LEVI 26:32

Ngei ammei kahdok chemjalak kü mangtükpü eeyei ammei kahdokei nyunüng peipü vepathüi hapa kü yashanhen.

JEREMIAH 4:20

Shanghah kü shanghah dheanei, kahmük kemei lavüngtoiyei leidaiteke. Ngangahük kü ngelei ashakshem; kanja mong aa kü ngei loishing bendaiteke.

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

JEREMIAH 4:28

Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

JOEL 1:10

Kahthü mangdai, kahdok vandai; hah peü mangtük, yiü ja üdai, hatü olive püthü kaudaikem.

JEREMIAH 9:9

Henüng douthü kü ngei hanghi neshuohhen je? hatü henüng keipü jathili kü ngei bhüh neyemhen je? shei Shembüpai enyüke.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.